عمران خان کےحکومت پر قتل کروانے کے الزامات پر مریم نواز کا ردِعمل بھی آ گیا
لاہور (ڈیلی پاکستان آن لائن ) پاکستان مسلم لیگ ن کی نائب صدر مریم نواز شریف نے چیئر مین پاکستان تحریک انصاف (پی ٹی آئی)عمران خان کے حکومت پر لگائے گئے قتل کی سازش سے متعلق نئے الزامات پر ردِ عمل کا اظہار کیا ہے، مریم نواز نے کہا کہ "بہت بری بات ہے بنا سوچے سمجھے دوسروں پر الزام لگانا"۔
روزنامہ "جنگ "کے مطابق مریم نواز اپنے والد کے ہمراہ لندن میں موجود ہیں مگر ملکی سیاست میں متحرک کردار ادا کر رہی ہیں، گزشتہ روز عمران خان کی جانب سے حکومت پر لگائے نئے الزامات سے متعلق ایک صحافی نے میاں محمد نواز شریف اور مریم نواز سے سوال کیاکہ پی ٹی آئی کا کہنا ہے کہ ہم اس حملے کا بدلہ لیں گے، حکومت پر بھی حملے کا الزام لگایا گیا ہے، اس پر آپ کیا کہیں گی؟
اس سوال کے جواب میں مریم نواز کا کہنا تھا کہ یہ بہت بری بات ہے، سوچے سمجھے بغیر لوگوں پر الزامات لگانا۔
سوچے سمجھے بغیر الزامات لگانا بہت بری بات ہے:مریم نواز pic.twitter.com/SufvJo19m8
— Saif Awan (@saifullahawan40) November 4, 2022
