" باہمت اور نڈر عورت کو دیکھ کر لوگ پہلے سے خیالات گھڑلیتے ہیں"، ہما قریشی
ممبئی (ڈیلی پاکستان آن لائن)بالی ووڈ معروف اداکارہ ہما قریشی نے فلمی کانفرنس میں میڈیا سے گفتگو کرتے ہوئے بتایا کہ" نڈر اور ایک بلند حوصلہ عورت کے متعلق لوگ کس طرح کے خیالات رکھتے ہیں"۔
تفصیلا ت کے مطابق بالی ووڈ اداکارہ ہما قریشی کی نیٹ فلیکس پر ایک نئی فلم "مونیکا، مائی ڈارلنگ" جلد ریلیز ہونے والی ہے۔جس کی ممبئی میں جاری فلمی کانفرنس میں اداکارہ ہما قریشی نے بات کرتے ہوئے کہا کہ " جب بھی کوئی باہمت یا پُرکشش عورت کو دیکھتا ہے تو اس کے کردار کے متعلق پہلے سے خیالات گھڑ لیتا ہے"۔ہما کا کہنا تھا کہ "نڈر عورت کے بارے میں لوگ پہلے سے ہی رائے قائم کرلیتے ہیں، میں تو وسن (پروڈیوسر) کی شکرگزار ہوں کہ انہوں نے مجھے مونیکا میں کاسٹ کیا"۔
اداکارہ نے کہا کہ "ہم تو فلم کی شوٹنگ کے دوران خوب لطف اٹھاتے رہے، ہم نے کوشش کی کہ بےباک خاتون کے بارے میں فرسودہ خیالات کو توڑا جائے"۔
