کراچی(ڈیلی پاکستان آن لائن ) نارتھ ناظم آباد کے رہائشی کو اینٹی وائیلنٹ کرائم سیل نے 4 ماہ بعد شکارپور کے بیگاڑی کچے سے برآمد کرالیا۔
نجی ٹی وی" جیونیوز "کے مطابق مغوی کو اغواءکاروں نے وائس چینجر سے لڑکی کی آواز کے ذریعے شکار پور بلایا اور اغواءکرکے کچے میں لے گئے۔مغوی علی عباس کے اغوا ءکا مقدمہ 26 جولائی کو نارتھ ناظم آباد تھانے میں درج کیا گیا۔
مغوی علی عباس کے اہل خانہ سے 70 لاکھ روپے تاوان مانگا گیا تھا تاہم پولیس نے شکار پور کے بیگاڑی کچے سے مغوی کو بازیاب کرایا۔پولیس کا بتانا ہے کہ مغوی کو اس کی فیملی کے حوالے کردیا گیا ہے۔