پنجاب حکومت کا منشیات کے ملزمان کیخلاف مزید سخت قوانین بنانے کا فیصلہ 

                                                                                                            لاہور (نمائندہ خصوصی) پنجاب حکومت نے منشیات کے ملزمان کے خلاف مزید سخت قوانین بنانے کا فیصلہ کیا ہے۔پنجاب کنٹرول آف نارکوٹکس سبسٹینسز (ترمیمی) بل 2025 پنجاب اسمبلی سے بل گزشتہ روز منظورکیا گیا، بل کے تحت منشیات کے مقدمات میں ضمانت سے متعلق دفعات تبدیلیاں کی گئیں۔بل کے متن کے مطابق عمر قید کی سزا والے منشیات مقدمات میں ملزمان کو ضمانت نہیں دی جا سکے گی، عدالت کو دیگر جرائم میں ضمانت دینے سے قبل بھاری زرِ ضمانت اور کیس کی نوعیت دیکھنا لازمی ہوگا۔متن میں یہ بھی کہا گیا ہے کہ خصوصی عدالت کے فیصلے کیخلاف اپیل لاہور ہائیکورٹ کے دو رکنی بینچ میں سنی جائے گی، ہائیکورٹ کے بینچ کی نامزدگی چیف جسٹس لاہور ہائی کورٹ کریں گے۔بل میں کہا گیا ہے کہ ترمیمی بل کا مقصد منشیات کے مقدمات میں قانونی خلا اور تاخیر کو ختم کرنا ہے،ترمیمی قانون سے منشیات کے خلاف کارروائی مؤثر بنے گی، سیکشن 38، 39، 40، 41 اور 44 میں تبدیلیاں کی گئیں۔متن میں یہ بھی واضح کیا گیا ہے کہ سیکشن 40 میں اپیل کے نظام کو ہائیکورٹ کے دو رکنی بینچ کے ماتحت کیا گیا۔

ترمیمی بل