پاکستان ٹیکس سیکٹر میں سرمایہ کاری کے وسیع مواقع موجود ہیں: اسد مجید

پاکستان ٹیکس سیکٹر میں سرمایہ کاری کے وسیع مواقع موجود ہیں: اسد مجید

  

نیویارک(آئی این پی)  امریکہ میں تعینات پاکستانی سفیر اسد مجید خان نے کہا ہے کہ پاکستان ٹیک سیکٹر میں سرمایہ کاری کے وسیع مواقع موجود ہیں، پاکستان میں سرمایہ کاری اور تجارتی قوانین میں اصلاحات لائی جارہی ہیں، بھارت نے مقبوضہ وادی کو دنیا کی سب سے بڑی جیل بنا دیا ہے، امریکہ سمیت عالمی برادری کشمیر کو متنازعہ علاقہ تسلیم کرتی ہے،کشمیر کا مسئلہ سلامتی کونسل کے ایجنڈے میں شامل ہے۔تفصیلات کے مطابق امریکی ریاست کیلیفورنیا میں انویسٹ ان پاکستان نامی سمٹ کا انعقاد ہوا۔ سمٹ میں امریکہ بھر سے آئی ٹی ماہرین نے شرکت کی۔سمٹ میں مائیکرو الیکٹرونکس، سافٹ ویئر ڈویلپمنٹ اور گیمنگ پر تفصیلی گفتگو کی جبکہ میڈیکل انوویشن، آرٹیفشل انٹیلی جنس کے موضوع پر بھی ماہرین نے روشنی ڈالی۔ امریکی آئی ٹی کمپنیوں نے پاکستان میں سرمایہ کاری میں دلچسپی کا اظہار کیا۔پاکستانی سفیر اسد مجید خان نے تقریب سے خطاب کرتے ہوئے کہا کہ پاکستان ٹیک سیکٹر میں سرمایہ کاری کے وسیع مواقع موجود ہیں، پاکستان میں سرمایہ کاری اور تجارتی قوانین میں اصلاحات لائی جارہی ہیں۔اس سے قبل ایک موقع پر اسد مجید خان کا کہنا تھا کہ بھارت نے مقبوضہ وادی کو دنیا کی سب سے بڑی جیل بنا دیا ہے، امریکا سمیت عالمی برادری کشمیر کو متنازعہ علاقہ تسلیم کرتی ہے۔انہوں نے کہا تھا کہ کشمیر کا مسئلہ سلامتی کونسل کے ایجنڈے میں شامل ہے، مقبوضہ کشمیر میں مکمل طور پر لاک ڈان ہے، بھارت نے مقبوضہ کشمیر میں فوج کی تعداد میں حالیہ اضافہ کیا۔

اسد مجید

مزید :

صفحہ آخر -