جاری تھی ابھی دعا ہماری | شاہین عباس |
جاری تھی ابھی دعا ہماری
اور ٹوٹ گئی صدا ہماری
یاں راکھ سے بات چل رہی ہے
تو شعلگی پر نہ جا ہماری
جھونکا تھا گریز کے نشے میں
دیوار گرا گیا ہماری
دنیا میں سمٹ کے رہ گئے ہیں
بس ہو چکی انتہا ہماری
میں اور الجھ گیا ہوں تجھ میں
زنجیر کھلی ہے کیا ہماری
آ دیکھ جو ہم دکھا رہے ہیں
آ بانٹ کبھی سزا ہماری
گو ایک غبار میں ہیں دونوں
وحشت ہے جدا جدا ہماری
شاعر: شاہین عباس
(شاہین عباس کی وال سے)
Jaari Thi Abhi Dua Haamri
Aor Laot Gai Sadaa Hamaari
Yaan Raakh Say Baat Chall Rahi Hay
Tu Sholagi Par Na Ja Hamaari
Jhonka Tha Guraiz K Nashay Men
Dewaar Gira Gaya Hamaari
Dunya Men Simat K Reh Gaey Hen
Bass Ho Chuki Intahaa Hamaari
Main Aor Ulajh Gaya Hun Tuhj Men
Zanjeer Khuli Hay Kaya Hamaari
Aa Dekh Jo Ham Dikha Rahay Hen
Aa Baant Kabhi Sazaa Hamaari
Go Aik Ghubaar Men Hen Dono
Wehshat Hay Juda Juda Hamaari
Poet: Shaheen Abbas