ملک میں کورونا وائرس سے جاں بحق ہونے والوں کی مجموعی تعداد 27 ہزار 947 ہو گئی

ملک میں کورونا وائرس سے جاں بحق ہونے والوں کی مجموعی تعداد 27 ہزار 947 ہو گئی
ملک میں کورونا وائرس سے جاں بحق ہونے والوں کی مجموعی تعداد 27 ہزار 947 ہو گئی

  

اسلام آباد ( ڈیلی پاکستان آن لائن) کورونا وائرس سے جاں بحق ہونےوالوں کی مجموعی تعداد 27 ہزار 947 ہو گئی ہے ، گزشتہ 24 گھنٹوں میں مہلک وائرس نے 54 زندگیاں نگلیں ۔

نیشنل کمانڈ اینڈ آپریشن سینٹر ( این سی او سی ) کے مطابق مہلک کورونا وائرس سے اب تک 12 لاکھ 52 ہزار 656 افراد متاثر ہو چکے ہیں ، گزشتہ 24 گھنٹوں میں ایک ہزار 308 نئے کیسز سامنے آئے ۔ ملک بھر میں اس وقت 45 ہزار 826 ایکٹو کیسز ہیں ۔

سندھ میں کورونا سے چار لاکھ 60 ہزار 748 افراد متاثر ہو چکے ہیں ، سات ہزار 442 افراد جاں بحق ہوئے جبکہ  22 ہزار 801 ایکٹو کیسز ہیں ۔ پنجاب میں چار لاکھ 33 ہزار 687 افراد کورونا کا شکار ہوئے ، 12 ہزار 710 افراد مہلک وائرس کا مقابلہ نہ کرتے ہوئے جاں بحق ہوئے جبکہ چار لاکھ پانچ ہزار 287 افراد نے مہلک وائرس کو شکست دی ، پنجاب میں 15 ہزار 690 ایکٹو کیسز ہیں ۔

وفاقی دارالحکومت اسلام آباد میں  ایک لاکھ پانچ ہزار 801 افراد کورونا کا شکار ہو چکے ہیں ، 929 کورونا کی بھینٹ چڑھے جبکہ دو ہزار 268 اب بھی موت و حیات کی کشمکش میں مبتلا ہیں ۔

خیبرپختونخوا میں ایک لاکھ 74 ہزار 841 افراد میں کورونا وائرس کی تصدیق ہوئی ، صوبے میں پانچ ہزار  593 اموات ہوئیں جب کہ چار ہزار 292 افراد اب بھی زندگی کیلئے جنگ لڑ رہے ہیں ۔

گلگت بلتستان میں دس ہزار 334 ، بلوچستان میں  32 ہزار 992 اور آزاد کشمیر میں 34 ہزار 253 افراد کورونا سے متاثر ہو چکے ہیں ۔

گلگت بلتستان میں 186، بلوچستان میں  349 اور آزاد جموں و کشمیر میں  738 افراد جان کی بازی ہار چکے ہیں ۔

مزید :

کورونا وائرس -تعلیم و صحت -