ورلڈ کپ سے قبل اہل خانہ سے ملنے کے لیے دو کھلاڑی بائیو سیکیور ببل سے باہر آگئے

ورلڈ کپ سے قبل اہل خانہ سے ملنے کے لیے دو کھلاڑی بائیو سیکیور ببل سے باہر آگئے
ورلڈ کپ سے قبل اہل خانہ سے ملنے کے لیے دو کھلاڑی بائیو سیکیور ببل سے باہر آگئے

  

راولپنڈی(ڈیلی پاکستان آن لائن ) قومی ٹی 20 کپ 2021 میں حصہ لینے والے پاکستان کے چند کھلاڑیوں نے پاکستان کرکٹ بورڈ (پی سی بی) سے درخواست کی تھی کہ وہ جاری ٹورنامنٹ کے پہلے مرحلے کے اختتام کے بعد بائیو سیکیور ببل چھوڑ دیں۔

آل راونڈر عماد وسیم اور تیز گیند باز شاہین شاہ آفریدی بھی ان کھلاڑیوں میں شامل تھے جنہوں نے ایک دو دن کی چھٹی لینے اور اپنے اہل خانہ سے ملنے کی درخواست کی تھی کیونکہ قومی ٹی 20 کپ کے دوسرے مرحلے کے اختتام کے بعد قومی ٹیم ٹی 20 ورلڈ کپ کے لیے روانہ ہوگی۔ 

پی سی بی نے اس درخواست کو قبول کر لیا ہے اور شاہین اور عماد بائیو سیکیور ببل چھوڑ چکے ہیں جبکہ بابر اعظم لاہور کے ٹیم ہوٹل میں قیام کر رہے ہیں۔ پی سی بی نے کرکٹرز کے اہل خانہ کو متحدہ عرب امارات جانے کی اجازت بھی دی ہے۔

مزید :

کھیل -