کورونا وائرس کی وجہ سے بے ہوش کی گئی لڑکی بے ہوشی میں ہی ماں بن گئی

کورونا وائرس کی وجہ سے بے ہوش کی گئی لڑکی بے ہوشی میں ہی ماں بن گئی
کورونا وائرس کی وجہ سے بے ہوش کی گئی لڑکی بے ہوشی میں ہی ماں بن گئی

  

لندن(مانیٹرنگ ڈیسک) برطانیہ میں کورونا وائرس کی وجہ سے بے ہوش کی گئی لڑکی بے ہوشی میں ہی ماں بن گئی۔ دی سن کے مطابق 23سالہ کیلسی روٹس نامی اس لڑکی کو سانس میں شدید دشواری کے سبب ہسپتال لایا گیا تھا۔ اس وقت وہ 28ہفتے کی حاملہ تھی۔ اس کی تشویشناک حالت کے پیش نظر ڈاکٹروں نے اسے بے ہوشی کی دوا دے دی تاکہ اس کی صحت یابی کا امکان بڑھ سکے۔

کیلسی کو بے ہوش کرنے کے بعد آپریشن کے ذریعے ڈاکٹروں نے اس کے ہاں 12ہفتے قبل ہی زچگی کروا دی۔ اس کے ہاں پیدا ہونے والے بچے کا وزن پیدائش کے وقت محض ڈیڑھ کلوگرام تھا۔ جب حالت سنبھلنے پر کیلسی کو واپس ہوش میں لایا گیا تو ہوش میں آتے ہی ماں بننے کی خوشخبری اس کی منتظر تھی۔ کیلسی کا کہنا ہے کہ ”ڈاکٹروں نے جس طرح میرا اور میرے بچے کا خیال رکھا، اس پر میں ان کی بے حد مشکور ہوں۔ میں سمجھتی ہوں کہ یہ ایک معجزہ تھا جس نے مجھے اور میرے بچے دونوں کو بچا لیا۔“

مزید :

ڈیلی بائیٹس -کورونا وائرس -