خلیل الرحمن قمر نے عروہ حسین کو تنقید کرنے کے بعد گلے لگا کرمعافی مانگی
لاہور(ڈیلی پاکستان آن لائن) پاکستان کی معروف اداکارہ عروہ حسین نے حال ہی میں ایک شو میں شرکت کی جہاں انہوں نے انکشاف کیا کہ "خلیل الرحمٰن قمر نے کڑی تنقید کرنے پر مجھ سے معافی مانگی تھی"۔
تفصیلات کے مطابق معروف اداکارہ عروہ حسین نے حال ہی میں ایک ٹاک شو میں شرکت کی اس دوران انہوں نے کئی دلچسپ سوالات کے جواب دیئے۔شو کے میزبان و اداکار احسن خان کی جانب سے پوچھے گئے سوال کے جواب میں عروہ حسین نے انکشاف کیا کہ "معروف مصنف خلیل الرحمٰن قمر نے ایک سرکاری ٹی وی چینل پر بیٹھ کر مجھ پر تنقید کی تھی اور بعد ازاں انہوں نے مجھے گلے لگا کر معافی مانگ لی تھی"۔عروہ حسین نے وضاحت دیتے ہوئے کہا کہ "میں نے خلیل الرحمٰن قمر کی لکھی فلم چھوڑی نہیں تھی، جب میں تیار تھی تو شوٹنگ منسوخ ہو گئی تھی، جب فلم کی شوٹنگ دوبارہ شروع ہوئی تو ان دِنوں میرے پاس وقت نہیں تھا اور میں دوسرے پروجیکٹ میں مصروف تھی"۔انہوں نے مزید کہا کہ" اس بات پر خلیل الرحمٰن قمر بہت ناراض ہوئے اور مجھ پر ٹی وی پر بیٹھ کر کڑی تنقید کی بعد ازاں وہ مجھ سے ملے اور مجھے گلے لگا کر معافی مانگی اور کہا کہ تم میری بیٹی ہو"۔
View this post on Instagram
واضح رہے کہ خلیل الرحمٰن قمر نے عروہ حسین کے ساتھ کام کرنے کو اپنی زندگی کا سب سے خوفناک تجربہ قرار دیا تھا، لیکن بعد میں انہوں نے ذاتی طور پر قومی ٹیلی ویژن پر عروہ حسین سے معذرت کرتے ہوئے اِنہیں اپنی بیٹی قرار دیا تھا۔
