ایران میں زلزلہ، 500 سے زائد افراد زخمی

ایران میں زلزلہ، 500 سے زائد افراد زخمی
ایران میں زلزلہ، 500 سے زائد افراد زخمی
سورس: Twitter

  

تہران (ڈیلی پاکستان آن لائن) شمال مغربی ایران میں بدھ کی صبح 5.4 شدت کے زلزلے سے 500 سے زائد افراد زخمی ہوئے، جن میں سے زیادہ تر معمولی زخمی ہوئے۔

خطے کے گورنر محمد صادق موتامیڈین نے سرکاری ٹیلی ویژن کو بتایاکہ مغربی آذربائیجان صوبے میں 10 کلومیٹر  کی گہرائی میں آنے والے زلزلے سے 528 افراد زخمی ہوئے ہیں، جن میں سے 135 کو ہسپتال میں داخل کرایا گیا ہے. 

انہوں نے مزید کہا کہ زلزلے اور اس کے آفٹر شاکس نے 12 متاثرہ دیہاتوں میں 500 مکانات کو نقصان پہنچایا، جن میں سے 50 مکمل طور پر تباہ ہو گئے.

قومی ہنگامی خدمات کے ترجمان مجتبیٰ خالدی نے سرکاری نشریاتی ادارے کو بتایا کہ زلزلے کے مرکز کے قریب واقع سلماس اور خوئے شہروں کے قریب کچھ دیہاتوں میں بجلی اور پانی کی فراہمی متاثر ہوئی ہے. 

مزید :

بین الاقوامی -