انڈیا فالس فلیگ آپریشن ضرور کرے گا، ایئر مارشل (ر) ارشد ملک

اسلام آباد (ڈیلی پاکستان آن لائن) ایئر مارشل (ر) ارشد ملک کا کہنا ہے کہ انڈیا فالس فلیگ آپریشن ضرور کرے گا کیونکہ اس کی ناؤ ڈوبنے والی ہے اور وہ ہاتھ پاؤں مار رہا ہے۔

نجی ٹی وی جیو نیوز سے گفتگو کرتے ہوئے انہوں نے کہا " میں پورے یقین سے آپ کو بتا سکتا ہوں کہ بھارت کی طرف سے کسی وقت بھی فالس فلیگ آپریشن ہوسکتے ہیں، یہ اپنے ملک میں بھی فالس فلیگ آپریشن کرسکتے ہیں جس کا سارا ملبہ پاکستان پر ڈالیں گے، اسی فالس فلیگ آپریشن کو یہ پاکستان کے اندر بڑھائیں گے۔"

ارشد ملک کے مطابق اس وقت انڈیا کی ناؤ ڈوبنے والی ہے اور وہ ہاتھ پاؤں مار رہا ہے۔ وہ پاکستان کے خلاف غیر مناسب بیانیہ ڈویلپ کر رہے ہیں جس کے نتائج ان کو بھگتنا پڑیں گے۔