سرینا ولیمز نے گرینڈ سلیم میچ جیتنے کا اعزاز حاصل کر لیا

سرینا ولیمز نے گرینڈ سلیم میچ جیتنے کا اعزاز حاصل کر لیا
سرینا ولیمز نے گرینڈ سلیم میچ جیتنے کا اعزاز حاصل کر لیا

  


نیو یارک (آن لائن)امریکی ٹینس سٹار سرینا ولیمز نے یو ایس اوپن کے چوتھے راؤنڈ میں پہنچنے کے ساتھ ہی 307ویں مرتبہ گرینڈ سلیم میچ جیتنے کا اعزاز حاصل کر لیا ہے۔ غیر ملکی خبررساں ادارے کے مطابق سنیچر کو حاصل ہونے والی کامیابی کے بعد اب سرینا مارٹینا ناوراٹیلوا سے آگے نکل کر نہ صرف سب سے زیادہ مقابلے جیتنے والی خاتون کھلاڑی بن گئی ہیں بلکہ وہ مردوں میں فاتح راجر فیڈرر کے برابر بھی پہنچ گئی ہیں۔انھوں نے سویڈن کے جوہانہ لارسن کو 2۔6 اور 1۔6 سے شکست دی۔

خیال رہے کہ رواں برس جولائی کے آغاز میں سرینا ولیمز نے عورتوں کے سنگلز میں جرمنی کی انجلیک کربر کو ہرا کر اپنا ساتواں ومبلڈن ٹائٹل حاصل کیا تھا اور سٹیفی گراف کا 22 گرینڈ سلیم مقابلے جیتنے کا ریکارڈ بھی برابر کر دیا تھا۔ان کا کہنا تھا کہ جیت حاصل کر کے اور مردوں اور خواتین میں اوپر کے نمبر پر جگہ ملنا بہت ہی اعلیٰ اور غیر معمولی ہے اور وہ بہت اچھا محسوس کر رہی ہیں۔سرینا نے بتایا کہ ومبلڈن تک وہ اس بارے میں کچھ بھی نہیں جانتی تھیں مگر اب وہ یقیناً یہی چاہتی ہیں کہ یہ نمبر اوپر بڑھتا رہے اور برقرار رہے۔

مزید : کھیل اور کھلاڑی