ہنگو میں مکان کے باہر سے 2دستی بم برآمد
ہنگو (مانیٹرنگ ڈیسک ) ہنگو کے علاقے خرسا بانڈہ میں مکان کے باہر سے 2 دستی بم برآمد ہوئے ۔
ایکسپریس نیوز کے مطابق خرسا بانڈہ کے علاقے میں ایک مکان کی بیرونی دیوار میں نصب دستی بم برآمد ہوئے جنہیں بم ڈسپوزل سکواڈ ( بی ڈی ایس ) کے عملے نے ناکارہ بنادیا ۔
ذرائع کا کہنا ہے کہ دستی بم گھر کی بیرونی دیوار میں نصب تھے جن کا مقصد خوف و ہراس پھیلانا تھا تاہم بروقت پتہ چلنے کے بعد کارروائی کی گئی اور انہیں ناکارہ بنا دیا گیا ہے اور ملزمان کی تلاش کا کام شروع کر دیا گیا ہے ۔