ایک اور مسلم اکثریتی ملک ، اسرائیل سے تعلقات قائم کرنے ،یروشلم میں سفارت خانہ کھولنے پر رضامند، وائیٹ ہائوس نے اعلان کردیا

ایک اور مسلم اکثریتی ملک ، اسرائیل سے تعلقات قائم کرنے ،یروشلم میں سفارت ...
ایک اور مسلم اکثریتی ملک ، اسرائیل سے تعلقات قائم کرنے ،یروشلم میں سفارت خانہ کھولنے پر رضامند، وائیٹ ہائوس نے اعلان کردیا

  

 واشنگٹن(ویب ڈیسک) مسلم اکثریتی ملک کوسوو اسرائیل سے سفارتی تعلقات قائم کرنے اور یروشلم میں سفارت خانہ کھولنے پر رضامند ہوگیا، ٹرمپ نے کہا ہے کہ مزید کئی اسلامی اور عرب ممالک اسرائیل سے جلد تعلقات قائم کریں گے۔

وائٹ ہاؤس سے جاری کردہ پریس ریلیز کے مطابق اس حوالے سے کوسوو کے صدر اور سربیا کے سربراہ نے وائٹ ہاؤس میں مفاہمتی یادداشت پر دستخط بھی کیے۔ اس موقع پر امریکی صدر ڈونلڈ ٹرمپ اور اسرائیلی حکام موجود تھے۔اپنے ٹویٹ میں امریکی صدر ڈونلڈ ٹرمپ نے کہا کہ مشرق وسطی میں امن کے لیے آج ایک اور عظیم دن ہے، مسلمان اکثریتی ملک کوسوو اور اسرائیل اپنے تجارتی تعلقات معمول پر لانے اور سفارتی تعلقات قائم کرنے پر رضامند ہوگئے ہیں، اس حوالے سے کوسوو اور سربیا کے سربراہان کو مبارک باد پیش کرتا ہوں۔

امریکی صدر نے مزید کہا کہ مزید اسلامی اور عرب ممالک جلد اس عمل کی پیروی کرتے ہوئے جلد اسرائیل سے سفارتی تعلقات قائم کرلیں گے۔

مزید :

بین الاقوامی -