پھر مجھے دیدۂ تر یاد آیا
پھر مجھے دیدۂ تر یاد آیا
دل، جگر تشنۂ فریاد آیا
دم لیا تھا نہ قیامت نے ہنوز
پھر ترا وقتِ سفر یاد آیا
سادگی ہائے تمنا، یعنی
پھر وہ نیرنگِ نظر یاد آیا
عذرِ وا ماندگی، اے حسرتِ دل!
نالہ کرتا تھا، جگر یاد آیا
زندگی یوں بھی گزر ہی جاتی
کیوں ترا راہ گزر یاد آیا
کیا ہی رضواں سے لڑائی ہو گی
گھر ترا خلد میں گر یاد آیا
آہ وہ جرأتِ فریاد کہاں
دل سے تنگ آ کے جگر یاد آیا
پھر تیرے کوچے کو جاتا ہے خیال
دلِ گم گشتہ، مگر، یاد آیا
کوئی ویرانی سی ویرانی ہے
دشت کو دیکھ کے گھر یاد آیا
میں نے مجنوں پہ لڑکپن میں اسدؔ
سنگ اٹھایا تھا کہ سر یاد آیا
شاعر: مرزا غالب
Phir Mujhay Deeda e Tar Yaad Aaya
Dil, Jigar , Tashna e Faryaad Aaya
Dam Lia Tha Na Qayaamat Nay Hanooz
Phir Tira Waqt e Safar Yaad Aaya
Saadgi haaey Tamanna yaani
Phir Wo Nayrang e Nazar Yaad Aaya
Uzr Wamaandagi Ay Hasrat e Dil
Naala Karta Tha Jigar Yaad Aaaya
Phir Tiray Koochay Ko Jaata Hay Khayaal
Dil e Gugashta Magar Yaad Aaya
Koi Veraani Si Veerani Hay
Dasht Ko Dekh K Ghar Yaad Aaya
Main Nay Majnu Pe Bachpan Men ASAD
Sang Uthaaya Tha Keh Sar Yaad Aaya
Poet: Mirza Ghalib