نفَس نہ انجمنِ آرزو سے باہر کھینچ
نفَس نہ انجمنِ آرزو سے باہر کھینچ
اگر شراب نہیں انتظارِ ساغر کھینچ
"کمالِ گرمیِ سعیِ تلاشِ دید نہ پوچھ
بہ رنگِ خار مرے آئینہ سے جوہر کھینچ
تجھے بہانۂ راحت ہے انتظار اے دل
کیا ہے کس نے اشارہ کہ نازِ بسترکھینچ
تری طرف ہے بہ حسرت نظارۂ نرگس
بہ کوریِ دلِ و چشمِ رقیب، ساغر کھینچ
بہ نیم غمزہ ادا کر حقِ ودیعتِ ناز
نیامِ پردۂ زخمِ جگر سے خنجر کھینچ
مرے قدح میں ہے صہباۓ آتشِ پنہاں
بروۓ سفرہ کبابِ دلِ سمندر کھینچ
شاعر:مرزا غالب
Nafass Na Anjuman e Aarzu Say Baahar Khaich
Agar Sharaab Nahen , Intezaar e Saghar Khaich
Kamaal e garmi e Sai e Talaashe Deed Na Pooch
Bas Rang e Khaar Miray Aainay Say Johar Khaich
Tujhay Bahaanaa e Raahat Hay Intzaar Ay Dil
Kia Hay Kiss Nay Ishaara Keh naaz e Bistar Khula
Tiri taraf Hay , Ba Hasrat , Nazaara e Nargiss
ba Kori Dile Chashm e Raqeeb , Saghar Khaich
Ba Neem e Ghamza Ada kar Haq e Wadyat e Naz
Nayaam e Parda e Zakhme Jigar Khaich
Miray Qdaah Men Hay Sehba e Aatish Pinhaan
Ba Roo e Sufra Kabaab Dil Samnadar Khaich
Poet: Mirza Ghalib