کراچی کیلئے 1100 ارب کا پلان، اس کی ضمانت کس نے دی ہے ؟ کامران خان نے بڑا دعویٰ کردیا

کراچی (ڈیلی پاکستان آن لائن) اینکر پرسن کامران خان کا کہنا ہے کہ وزیر اعظم کی طرف سے کراچی کیلئے جس 1100 ارب روپے کے پیکج کا اعلان کیا گیا ہے اس کی ضمانت پاک فوج نے دی ہے۔

اپنے ایک ویڈیو پیغام میں کامران خان نے کہا کہ 1100 ارب روپے کی فراہمی ایک مضبوط پلان ہے اور یہ خالی باتیں نہیں ہیں۔ عمران خان اور مراد علی شاہ اس پر عملدرآمد کرائیں گے۔ اصل بات یہ ہے کہ پاکستان کی معاشی شہہ رگ کیلئے ضمانت افواج پاکستان نے دی ہے۔

انہوں نے کہا کہ چیف آف آرمی سٹاف کراچی آئے تھے، انہوں نے اس معاملے میں دور رس اقدامات کیے ہیں۔ اس پر وفاقی اور صوبائی حکومت مل کر کام کرے گی، اس پر پورا عملدرآمد پاک فوج یقینی بنائے گی، بہترین نظام تشکیل دیا جارہا ہے۔ 6 رکنی سیاسی کمیٹی کے علاوہ اس پر عملدرآمد کور ہیڈ کوارٹر کرائے گا۔

کامران خان نے بتایا کہ کراچی پیکج پر عملدرآمد کیلئے فوج کا ایک پورا نظام تیار کرلیا گیا ہے جو سپریم کورٹ میں جمع کرایا جائے گا۔ اس پیکج پر سپریم کورٹ کی نظر بھی ہوگی ۔

کراچی والو مبارک ہو 1100 ارب کا پلان خیالی پلاؤ نہیں ہے پیسے وفاقی صوبائی حکومتیں عالمی مالیاتی ادارے سی پیک سے آئیں گے ویسے تو سیاسی صوبائی انفاسٹکچر رابطہ کمیٹی ہوگی مگر عملدرآمد کا پلیٹ فارم کور ہیڈ کوارٹر ہوگا GOC کراچی کا کلیدی کردار ہوگا سپریم کورٹ کو بھی اعتماد میں لیں گے pic.twitter.com/gJEG5gKSO4

— Kamran Khan (@AajKamranKhan) September 5, 2020