پی سی ایس آئی آر کوآپریٹو ہاؤسنگ سوسائٹی میں ڈینگی آگاہی واک
لاہور(پ ر) پنجاب حکومت کے حکم پرسیکرٹری رجسٹرار و ڈپٹی رجسٹرار کی ہدایت پی سی ایس آئی آر کوآپریٹو سوسائٹی لمیٹڈلاہور میں ڈینگی آگاہی واک کا اہتمام کیا گیا۔محکمہ کوآپریٹو کی جانب سے اسسٹنٹ رجسٹرار شجاع فروکہ، حسنین حیدر، سعید سکندر، منظور حسین شریک ہوئے۔ اس کے علاوہ صدر سوسائٹی ملک مصطفی کھوکھر، سیکرٹری چوہدری عباس عارف سندھو، فنانس سیکرٹری محمود حسین، شیخ نیئر ایڈمن آفیسر، خواجہ فرخ قدیر اعوان،نصراللہ خان و دیگر نے کثیر تعداد میں ڈینگی آگاہی واک میں شرکت کی،۔انسداد ڈینگی مہم کے سلسلے میں تمام سوسائٹی میں ڈینگی آگاہی بارے پمفلٹ تقسیم کئے، لوگوں کو ڈینگی سے بچاؤ بارے آگاہی دی۔ اس موقع پر اسسٹنٹ رجسٹرار شجاع فروکہ نے کہا کہ ڈینگی سے پاک پنجاب ہمارا عزم ہے۔ ہم انشاء اللہ ڈینگی کو شکست دینگے۔ صدر ملک مصطفی کھوکھر، جنرل سیکرٹری چوہدری عباس عارف سندھو نے کہا کہ پوری سوسائٹی میں ڈینگی مچھر مار سپرے کرایا گیا ہے۔ پارکوں کی صفائی ستھرائی کی گئی ہے، اہلیان سوسائٹی کو ہدایت کی ہے کہ وہ اپنے گھروں میں پانی جمع نہ ہونے دیں، گملوں، کیاریوں کا خاص خیال رکھیں، آخر میں ڈینگی آگاہی کے سلسلے میں واک کی گئی۔
انہوں نے کہا کہ سوسائٹی کو ڈینگی سے پاک کر کے دم لیں گے۔
