2018ءمیں خیبر پختونخوا کے عوام بھی عمران خان کو مسترد کر دیں گے : مریم اورنگزیب

2018ءمیں خیبر پختونخوا کے عوام بھی عمران خان کو مسترد کر دیں گے : مریم اورنگزیب
2018ءمیں خیبر پختونخوا کے عوام بھی عمران خان کو مسترد کر دیں گے : مریم اورنگزیب

  

اسلام آباد (ڈیلی پاکستان آن لائن )وزیر مملکت برائے اطلاعات و نشریات مریم اونگزیب نے کہا ہے کہ خیبر پختونخوا کے عوام عمران خان کو نااہلی اور ملک میں انتشار کی سیاست کو فروغ دینے پر 2018ءکے انتخابات میں مسترد کر دیں گے ۔

تفصیلات کے مطابق اسلام آباد میں میڈیا سے بات کرتے  ہوئے ان کا کہنا تھا کہ ملک کے تعلیمی نظام میں اصلاحات لانے کا عمران خان کا بیان انکی وزیر اعظم بننے کی ہوس کو ظاہر کرتا ہے جس نے انکا ذہنی توازن بھی متاثر کر رکھا ہے ۔” عمران وفاق میں حکومت بنانے کے خواب نہ دیکھیں بلکہ جو وقت بچا ہے خیبر پختونخوا کے لوگوں کی خدمت کریں “۔وفاق تو کیا 2018 کے انتخابات میںخیبر پختونخوا کے ووٹرز عمران خان کو نااہلی ، انتشاری اور فسادی سیاست کی وجہ سے مسترد کردینگے۔

مقبوضہ کشمیر میں پاکستان کا قومی ترانہ پڑھنے والے کشمیری کھلاڑیوں کو ۔۔۔تشویشناک خبر آگئی

تعلیمی اصلاحات کے حوالے سے عمران خان کی تنقید کا جواب دیتے ہوئے مریم اونگزیب کا کہنا تھا کہ عمران خان کے گزشتہ تین سالوں کے دوران خیبر پختونخوا کے تعلیمی اداروں کی بہتری کیلئے کیا کیا ؟ کیا عمران خان نے صوبے کے کسی بھی سکول میں ایک کمرے کا بھی اضافہ کیا ہے ؟

وزیر مملکت نے کہا کہ خیبر پختونخوا کے 25لاکھ سے زائد بچے سکولوں سے باہر ہیں اور عمران خان کی توجہ کی منتظر ہیں ۔”صوبے میں 3ہزاروں سکولوں سے زائد میں باتھ روم موجود نہیں جبکہ 1لاکھ سکولز میں بجلی اور 8ہزار میں طلبا پینے کے صاف پانی تک سے محروم ہیں تو خان صاحب تعلیمی ترقی کے دعوے کیسے کر رہے ہیں؟

”چلا چلا کر نہیں بتا سکتی کہ تیمور سے۔۔۔‘‘، کرینہ کپور کا ناقدین کو جواب

ان کا مزید کہنا تھا کہ یہ اچھی روایت ہے کہ بلآخر چار سال بعد عمران خان نے تسلیم کیا کہ تعلیم کو اہمیت دینے کی ضرورت ہے لیکن اب اس ترجیح کو کارکردگی میں بدلیں۔چیئرمین تحریک انصاف کو چاہیے کہ وہ پورے ملک کا ٹھیکہ چھوڑدیں اورخیبر پختونخوا کے عوام کا لوٹا ہوا پیسہ ان پر خرچ کرنا شروع کردیں۔

انہوں نے کہا کہ اگر عمران خان سے صوبے کی تعلیمی اصلاحات میں بہتری نہیں لائی جاتی اور مدد کی ضرورت ہے تو وزیراعلی پنجاب اور مریم نواز سے رابطہ کرلیں۔” عمران صاحب جس صوبے میں آپ کی حکومت ہے وہاں کے احتساب کمیشن کے تالے کھولیں“۔

مزید : قومی /اہم خبریں