مصباح الحق نے دورہ ویسٹ انڈیز کے بعد ریٹائرمنٹ کا اعلان کردیا

مصباح الحق نے دورہ ویسٹ انڈیز کے بعد ریٹائرمنٹ کا اعلان کردیا
مصباح الحق نے دورہ ویسٹ انڈیز کے بعد ریٹائرمنٹ کا اعلان کردیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

لاہور (ڈیلی پاکستان آن لائن )قومی کرکٹ ٹیم کے ٹیسٹ فارمیٹ کے کپتان مصباح الحق نے دورہ ویسٹ انڈیز کے بعد ریٹائرمنٹ کا اعلان کردیا ،ان کا کہنا ہے کہ ویسٹ انڈیز کے خلاف کیر یئر کی آخری سیریز کھیلوں گا ،اپنے کیریئر میں نمبر ون آنے پر خوشی اور بھارت کے ساتھ ٹیسٹ سیریز نہ کھیلنے پر مایوسی ہوئی لیکن سب کچھ ویسے نہیں ہوتا جیسا انسان چاہتا ہے ۔انہوں نے کہا کہ کیریئر میں بہت سی مشکلات کا سامنا کرنا پڑا ،ٹیم سے باہر بھی رہناپڑا اور کبھی پرفارمنس میں بھی مسئلہ آیا لیکن ہمت سے کام لیا ۔مصباح الحق نے کہا کہ پی سی بی نے ریٹائر منٹ کا فیصلہ میرے اوپر چھوڑا ،جو میرے لیے سب سے زیادہ فخر کی بات ہے ،بورڈ نے ہمیشہ مجھے سپورٹ کیا ۔

میڈ یا سے گفتگو کرتے ہوئے انہوں نے کہا انٹر نیشنل کرکٹ سے ریٹائرمنٹ کے بعد کچھ عرصہ مزید ڈومیسٹک کرکٹ کھیلتا رہوں گا ،ابھی ایسا کوئی ارادہ نہیں بنایا کہ ریٹائرمنٹ کے بعد کیا کرنا ہے ۔ان کا کہنا تھا کہ 2011اور 2015کا ورلڈ کپ جیتنا خواب تھا جو کہ پورا نہیں ہو سکا لیکن ہر انسان کی بہت سے خواہشیںپوری نہیں ہوتیں ۔ایک سوال پر انہوں نے کہا کہ ویسٹ انڈیز سے سیریز میں جیت کر ٹیم کا مورال بلند کرنا ہے ۔سرفراز کی کپتانی سے متعلق سوال پر انہوں نے کہا کہ سرفراز احمد ابھی ٹیسٹ میں وائس کپتان ہیں جبکہ باقی دونوں فارمیٹ میں کپتانی کے فرائض سرانجام دے رہے ہیں ،ان کو سپورٹ کرنا چاہیے تاکہ سرفراز احمد پر کسی قسم کا دباﺅ نہ ہو۔

پی ایس ایل میں بری طرح ناکام ہونے والے بلے باز کا بیٹ آئی پی ایل میں چل پڑا ،پہلے ہی میچ میں بھارتی باولرز کی درگت بنا دی ،نام جان کر مداح بھی خوش ہو جائیں گے

مزید : کھیل /اہم خبریں