لڑکیوں کی تصاویر فیس بک پر ڈالنے والے پاکستانی اب منٹوں میں پکڑے جائیں گے، فیس بک نے بالآخر وہ سہولت متعارف کروادی جس کا ہمیں شدت سے انتظار تھا

لڑکیوں کی تصاویر فیس بک پر ڈالنے والے پاکستانی اب منٹوں میں پکڑے جائیں گے، ...
لڑکیوں کی تصاویر فیس بک پر ڈالنے والے پاکستانی اب منٹوں میں پکڑے جائیں گے، فیس بک نے بالآخر وہ سہولت متعارف کروادی جس کا ہمیں شدت سے انتظار تھا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

نیویارک(مانیٹرنگ ڈیسک) سوشل میڈیا، بالخصوص فیس بک کا منفی استعمال بہت عام ہو رہا ہے۔ ایسے بدطینت صارفین کی کمی نہیں جو لڑکیوں کی تصاویر فیس بک پر پوسٹ کرکے انہیں بلیک میل کرتے ہیں۔ کچھ ناکام عاشق بھی سابق محبوبہ سے بدلہ لینے کے لیے اس کی قابل اعتراض تصاویر فیس بک ڈال دیتے ہیں۔ صارفین، بالخصوص لڑکیوں کو فیس بک پر کسی ایسے فیچر کا شدت سے انتظار تھا جس کے ذریعے ایسے بدطینت لوگوں کو آسانی سے پکڑا جا سکے۔ اب یہ انتظار تمام ہو گیا ہے کیونکہ فیس بک نے ’فوٹو میچنگ ٹیکنالوجی‘ متعارف کروا دی ہے جس کے ذریعے لڑکیوں کی تصاویر پوسٹ کرنے والوں کو چند منٹوں میں پکڑا جا سکے گا۔

خاتون نے اپنی فیس بک کھولی تو اس میں ایک اجنبی امریکی شخص کا پیغام موجود تھا، اس پیغام میں کیا لکھا تھا؟ پڑھتے ہی زندگی کا سب سے زوردار جھٹکا لگ گیا، کبھی تصور بھی نہ کیا تھا کہ کوئی اس طرح بھی اسے نشانہ بناسکتا ہے

میل آن لائن کی رپورٹ کے مطابق فیس بک نے یہ سہولت ’انتقامی فحش مواد‘ کو پوسٹ کیے جانے سے روکنے کے لیے متعارف کروائی ہے۔ جب کوئی صارف اپنی کسی تصویر کا غلط استعمال دیکھے گا تو وہ اسے رپورٹ کر دے گا۔ فیس بک کے تربیت یافتہ نمائندے اس کا جائزہ لے کر اس تصویر کو ویب سائٹ سے ہٹا دیں گے اور پھر یہ نئی سہولت’فوٹومیچنگ ٹیکنالوجی‘ اس تصویر کو دوبارہ پوسٹ ہونے سے روکے گی۔ یہ صرف فیس بک پر ہی نہیں بلکہ میسینجر اور انسٹاگرام پر بھی وہ تصویر دوبارہ پوسٹ نہیں ہونے دے گی۔ فیس بک کے گلوبل سیفٹی ڈیپارٹمنٹ کی سربراہ انٹیگونی ڈیویس کا کہنا تھا کہ ”ہم نے یہ سہولت ان لوگوں کے تحفظ کو مدنظر رکھ کر متعارف کروائی ہے جن کی قابل اعتراض تصاویر ’انتقام‘ کے طور پر فیس بک پر پوسٹ کی جاتی ہیں۔ اس ٹیکنالوجی کے آنے کے بعد اب کوئی صارف ایک بار اپنی کسی تصویر کو رپورٹ کر دے گا تو آئندہ وہ تصویر فیس بک، میسینجر اور انسٹاگرام پر پوسٹ نہیں کی جا سکے گی۔“

مزید : ڈیلی بائیٹس