ضرورت مندوں میں راشن کی تقسیم دانش کنیریا بھی میدان میں آگئے

ضرورت مندوں میں راشن کی تقسیم دانش کنیریا بھی میدان میں آگئے

  

کراچی(آئی این پی) قومی کرکٹ ٹیم کے سابق لیگ اسپنردانش کنیریا بھی غریبوں کی مدد کے لیے میدان میں آگئے۔قومی کرکٹ ٹیم کے سابق گیند باز نے کراچی کے علاقے رنچھوڑ لائن غریبوں اور اقلیتی برادری میں راشن تقسیم کیا۔دانش کنیریا نے عطیات دینے والوں کا شکریہ ادا کرتے ہوئے کہا کہ اس سلسلے کو جاری رکھیں تاکہ غریبوں اور یومیہ اجرت کمانے والوں کی مدد ہوسکے۔

 یاد رہے کہ ملک بھر میں ہونے والے لاک ڈاؤن کے بعد شوبز ستارے اور کرکٹ اسٹار سمیت معروف شخصیات غریبوں کی مدد کے لیے پیش پیش ہیں اور وہ ضرورت مندوں میں راشن تقسیم کررہے ہیں۔اس سے قبل قومی کرکٹ ٹیم کے سابق کپتان شاہد خان افریدی، بلے باز احمد شہزاد، سہیل تنویر اور آئی سی سی پینل میں شامل بین الاقوامی شہرتِ یافتہ پاکستانی ایمپائر علیم ڈار نے سماجی رابطے کے اکاؤنٹ پر ویڈیو شیئر کی جس میں وہ کہہ رہے تھے کہ اگر کسی غریب کو غذائی اجناس کی ضرورت ہے تو وہ رابطہ کرسکتا ہے۔

مزید :

کھیل اور کھلاڑی -