سینی ٹائزر ہاتھوں میں خارش، آنکھوں میں جلن پیدا کرنے لگا

سینی ٹائزر ہاتھوں میں خارش، آنکھوں میں جلن پیدا کرنے لگا

  

کراچی(این این آئی)سینی ٹائزر سے کہنیوں تک الرجی کی شکایات بڑھ رہی ہیں، آنکھوں میں جلن بھی ہوتی ہے جبکہ کچھ کو خشک خارش بھی رہنے لگی ہے۔کرونا وائرس سے محفوظ رہنے کے لیے بیشتر لوگ سینیٹائزر کا استعمال کررہے ہیں، بعض لوگ تو چوبیس گھنٹے میں 15،15 مر تبہ ہاتھوں کو سینیٹائزر لگاتے ہیں، سینیٹائزر میں الکوحل،سپرٹ اور دیگر جراثم کش مواد شامل ہوتاہے جس سے انگلیوں، ہاتھوں بلکہ کہنیوں تک الرجی کی شکایات بڑھ رہی ہیں، آنکھوں میں جلن بھی ہوتی ہے، کچھ کو خشک خارش بھی رہنے لگی ہے۔ماہرین جلد نے مشورہ دیا ہے کہ سینیٹائزر کا استعمال دن میں صرف دو سے تین مرتبہ کیا جائے،پانچ چھ مرتبہ سادہ پانی سے ہاتھ منہ دھوئیں بالخصوص آنکھوں کو صاف رکھیں۔ پھر بھی الجھن محسوس ہو تو رات کو سونے سے پہلے سرسوں کا تیل لگائیں، الرجی، خشکی اور خارش سے نجات مل جائے گی۔

سینی ٹائزر جلن

مزید :

صفحہ آخر -