نیویارک کے ہسپتال لاشوں سے بھر گئے، تصاویر دیکھ کر کوئی بھی گھبراجائے

نیویارک کے ہسپتال لاشوں سے بھر گئے، تصاویر دیکھ کر کوئی بھی گھبراجائے
نیویارک کے ہسپتال لاشوں سے بھر گئے، تصاویر دیکھ کر کوئی بھی گھبراجائے

  

نیویارک(مانیٹرنگ ڈیسک) اٹلی کے بعد اب امریکہ سے ، بالخصوص امریکی شہر نیویارک سے کورونا وائرس کی تباہ کاریوں کے ایسے مناظر سامنے آ رہے ہیں کہ دیکھ کر کوئی بھی گھبرا جائے۔ میل آن لائن کے مطابق نیویارک کے ہسپتالوں سے ایسی تصاویر سامنے آ رہی ہیں جن میں دیکھا جا سکتا ہے کہ ہسپتال لاشوں سے بھر گئے ہیں اور لوگوں کی لاشیں باڈی بیگز میں ڈال کر ہسپتالوں کی راہداریوں میں قطاروں میں رکھی جا رہی ہیں۔

رپورٹ کے مطابق ہسپتالوں کے باہر ریفریجریٹڈ ٹرک آ رہے ہیں اور ہر ٹرک میں درجنوں لاشیں ڈال کر روانہ کی جا رہی ہیں۔کچھ تصاویر بروکلین کے ’ویکوف ہائٹس میڈیکل سنٹر کی ہیں جن میں ایک طرف لاشوں کے انبار دکھائے گئے ہیں اور دوسری طرف طبی عملے کو انتہائی افسردہ اور پریشان دکھایا گیا ہے۔ عملے کے کوئی اراکین سیڑھیوں پر سر نیہوڑائے بیٹھے ہوتے ہیں اور کوئی کرسی پر سر تھامے سراپا افسردگی بنا ہوتا ہے۔

رپورٹ کے مطابق نیویارک کورونا وائرس سے سب سے زیادہ متاثر ہونے والا امریکی شہر ہے جہاں گزشتہ روز تک 64ہزار 955مریض سامنے آ چکے ہیں اور 2ہزار 472اموات ہو چکی ہیں۔ریاست نیویارک میں اب تک کورونا وائرس سے 4ہزار 159اموات ہو چکی ہیں۔

نیویارک کے ہسپتالوں میں مرنے والوں کی لاشیں اورنج رنگ کے پلاسٹک باڈی بیگز میں ڈال کر راہداریوں میں رکھی جا رہی ہیں، جنہیں حفاظتی لباس پہنے عملہ ٹرکوں میں ڈال کر آخری رسومات ادا کرنے کی جگہ تک پہنچا رہا ہے۔

مزید :

بین الاقوامی -کورونا وائرس -