شیخ زاید میڈیکل کمپلیکس میں دو روزہ " انٹرنیشنل پبلک ہیلتھ کانفرنس کاانعقاد

شیخ زاید میڈیکل کمپلیکس میں دو روزہ " انٹرنیشنل پبلک ہیلتھ کانفرنس کاانعقاد

لاہور( جنرل رپورٹر) شیخ زاید میڈیکل کمپلیکس ، لاہور میں پروفیسر ڈاکٹر فرید احمد خان، چئیرمین اینڈ ڈین شیخ زاید میڈیکل کمپلیکس لاہور کی زیر صدارت، شعبہ پبلک ہیلتھ اینڈ کمیونٹی میڈیسن اور انسٹیوٹ آف پبلک ہیلتھ ، یونیورسٹی آف ہیڈلبرگ، جرمنی کے باہمی اشتراک سے صحت عامہ او ر اس حوالے سے جدید تحقیق کے بارے میں آگاہی فراہم کرنے کیلئے دو روزہ " انٹرنیشنل پبلک ہیلتھ کانفرنس 2016 برائے پبلک ہیلتھ ایجوکیشن اینڈ ریسرچ " کا انعقا 58د کیا گیا،جس میں پروفیسر محمدنظام الدین، چئیر پرسن، ہایئر ایجوکیشن کمیشن، پنجاب نے بطور مہمان خصوصی شرکت کی۔

یہ کانفرنس سفئیرپراجیکٹ کے تحت آرگنائز کی گئی ،جس کا مقصد پارٹنر اداروں کے درمیان تدریسی تعاون کے ذریعے سے نیٹ ورک کو مضبوط بنانا ہے، ہائیر ایجوکیشن کمیشن ، پاکستان کی جانب سے بھی اس پراجیکٹ کو سپورٹ فراہم کی گئی ۔ اس موقع پر پروفیسر ڈاکٹر عطیہ محبوب (ڈپٹی ڈین، شیخ زاید پوسٹ گریجوایٹ میڈیکل انسٹیٹیوٹ)، ڈاکٹر پالن گرس ( پراجیکٹ مینیجرجرمنی، ہیڈلبرگ یونیورسٹی ، جرمنی)، ڈاکٹر احمد اعظم ملک (پراجیکٹ منیجر، پاکستان، یونیورسٹی انسٹیوٹ آف پبلک ہیلتھ ، یونیورسٹی آف لاہور)،پروفیسر ڈاکٹر عائشہ ہمایوں (پراجیکٹ پارٹنر، لاہور، ڈیپارٹمنٹ آف پبلک ہیلتھ اینڈ کمیونٹی میڈیسن، شیخ زاید میڈیکل کمپلیکس لاہور) کے علاوہ لاہور کے تمام پبلک ہیلتھ اداروں کے سربراہان اور تمام میڈیکل کالجز کے کمیونٹی میڈیسن ڈیپارٹمنٹس کے پروفیسر حضرات نے شرکت کی اور موضوع کے حوالے سے مفید معلومات کا تبادلہ کیا گیا۔ یہ کانفرنس 6 اگست 2016 تک شیخ زاید ہسپتال ، لاہور میں جاری رہے گی، جس میں 8 انڈر گریجوایٹ اور 9 پوسٹ گریجو ایٹ طلباء کی جانب سے تحقیقی مقالہ جات پیش کیے جائیں گے ۔ ا سی کانفرنس کے سلسلہ میں 8 تا 9 اگست 2016 تک "انٹروڈکشن ٹو بائیو سٹیٹسٹکس ورکشاپ" کا انعقاد بھی کیا جائیگا۔

مزید : میٹروپولیٹن 4


loading...