الیکشن میں مبینہ دھاندلی، جے آئی(ف) کا صوبہ خیبر پختونخوا میں دھرنوں کا اعلان

الیکشن میں مبینہ دھاندلی، جے آئی(ف) کا صوبہ خیبر پختونخوا میں دھرنوں کا اعلان

پشاور(مانیٹرنگ ڈیسک )جے یو آئی (ف) نے حالیہ الیکشن میں مبینہ دھاندلی کے خلاف صوبے بھر میں احتجاج کا اعلان کردیا۔جمعیت علماء اسلام (ف) کی مجلس شوریٰ کا پشاور میں اجلاس ہوا جس میں جے یو آئی کے سربراہ مولانا فضل الرحمان نے خصوصی طور پر شرکت کی اور نو منتخب ارکان اسمبلی بھی شریک ہوئے۔اجلاس میں 8 اگست کو صوبے بھر میں اہم شاہراہوں پر دھرنا دینے کا فیصلہ کیا گیا جو صبح سے شام تک جاری رہے گا۔ فیصلے کے مطابق جنوبی اضلاع میں انڈس ہائی وے کو مختلف مقامات پر بند کیا جائے گا، ملاکنڈ، صوابی اور سوات میں بھی دھرنے دیئے جائیں گے جبکہ پشاور میں موٹر وے اور پاک افغان شاہراہ پر بھی دھرنا دینے کا فیصلہ کیا گیا ہے۔جمعیت علماء اسلام (ف) خیبر پختونخوا کے امیر مولانا گل نصیب کا کہنا ہے احتجاج کیلئے دیگر اپوزیشن جماعتوں کو بھی شرکت کی دعوت دی جائے گی۔

جے یو آئی

مزید : صفحہ آخر