’ہمارے بغیر عمران وزیراعظم نہیں بن سکتا، ہم نے اتحاد اس لیے کیا کہ ۔ ۔ ۔‘ فردوش شمیم کے بیان پر متحدہ بھی میدان میں آگئی، دبنگ پیغام دے دیا

’ہمارے بغیر عمران وزیراعظم نہیں بن سکتا، ہم نے اتحاد اس لیے کیا کہ ۔ ۔ ۔‘ ...
’ہمارے بغیر عمران وزیراعظم نہیں بن سکتا، ہم نے اتحاد اس لیے کیا کہ ۔ ۔ ۔‘ فردوش شمیم کے بیان پر متحدہ بھی میدان میں آگئی، دبنگ پیغام دے دیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

کراچی(ویب ڈیسک) ایم کیو ایم نے پی ٹی آئی رہنما فردوس شمیم نقوی کے بیان پر سخت رد عمل دیتے ہوئے کہا ہے کہ ہماری حمایت کے بغیر عمران خان وزیر اعظم نہیں بن سکتے، پی ٹی آئی قیادت فردوس شمیم کے خلاف کارروائی کرے۔

ایم کیو ایم کے رہنما فیصل سبزواری نے فردوس شمیم نقوی کے بیان پر ردعمل دیتے ہوئے کہا کہ پیپلز پارٹی نے سندھ کو ہمیشہ مایوس کیا اس لیے ہم نے تحریک انصاف کے ساتھ اتحاد کیا، ہماری حمایت کے بغیر عمران خان وزیر اعظم نہیں بن سکتے، اگر یہی معاملات رہے تو ساتھ چلنے میں مشکلات پیدا ہوتی رہیں گی۔

دوسری جانب مئیر کراچی وسیم اختر نے بھی کہا ہے کہ میرے خلاف بولنے والے اپنا سیاسی قد بڑھانے کے لیے مجھے نشانہ بناتے ہیں، فردوس شمیم اپنی قیادت سے بات کریں اور پوچھیں کہ ایم کیو ایم کتنی اہمیت رکھتی ہے، یہ بیانات صرف سستی شہرت کے لیے دئیے جا رہے ہیں۔خواجہ اظہار الحسن نے عمران خان اور جہانگیر ترین سے مطالبہ کیا کہ وہ فردوس شمیم نقوی کے بیان کا نوٹس لیتے ہوئے ان کے خلاف کارروائی کریں۔

واضح رہے کہ فردوس شمیم نقوی نے کہا ہے کہ ایم کیو ایم کے ساتھ اتحاد مجبوری میں کیا گیا کیوں کہ پی ٹی آئی کو نمبر گیم پورا کرنے کے لیے 172 نشستیں درکار تھیں وہ متحدہ پر لگائے گئے اپنے الزامات پر تاحال قائم ہیں۔

مزید : قومی /علاقائی /سندھ /کراچی