آئی ایم ایف کے پاس نہیں جائیں گے ،اپوزیشن کسی ملک دشمن قوت کے کہنے پر متحدہوئی :شہر یار آفریدی کا الزام

آئی ایم ایف کے پاس نہیں جائیں گے ،اپوزیشن کسی ملک دشمن قوت کے کہنے پر ...
آئی ایم ایف کے پاس نہیں جائیں گے ،اپوزیشن کسی ملک دشمن قوت کے کہنے پر متحدہوئی :شہر یار آفریدی کا الزام

  

پشاور (ڈیلی پاکستان آن لائن)تحریک انصاف کے رہنما شہر یار آفرید ی نے کہا ہے کہ تحریک انصاف کی حکومت آئی ایم ایف کے پاس نہیں جائیگی ۔ اپوزیشن کسی ملک دشمن قوم کے کہنے پر متحدہوئی ۔

دنیا نیوز کے پروگرام ”آن دا فرنٹ “ میں گفتگو کرتے ہوئے شہر یار آفریدی نے کہا ہے کہ لوگ کہتے تھے کہ عمران خان کو سیاست نہیں آتی لیکن جن کا یقین اللہ تعالیٰ پر ہوتا ہے وہ گھبراتے نہیں ہیں۔ ہم نے کے پی کے میں 22لاکھ ووٹ لئے ہیں جو 2013میں گیارہ لاکھ تھے ۔ انہوں نے کہا کہ 2013کی اسمبلی میں ایم کیوایم خود چل کر تحریک انصاف کے پاس آئی اور کہا کہ اپوزیشن لیڈر آپ کو بناتے ہیں لیکن عمران خان نے انکار کردیا ۔ انہوں نے کہا کہ الطاف حسین ماضی بن چکا ہے اور ایم کیو ایم کی جو موجودہ قیادت ہے اس کے ساتھ ہماری بہت اچھی انڈر سٹینڈنگ ہے ۔

انہوں نے کہا کہ وزیر اعظم ،سپیکر اور ڈپٹی سپیکر تحریک انصاف کے ہونگے کیونکہ ہمارے ممبرز پورے ہیں اور سب سے بڑھ کر اللہ کی مدد ہمارے ساتھ ہے ۔انہوں نے کہا کہ ہم آئی ایم ایف کے پاس نہیں جائیں گے ہمارا یقین اللہ تعالیٰ پر ہے ۔انہوں نے کہا کہ یہ بات کھل کر سامنے آگئی ہے اپوزیشن گھبرائی ہوئی ہے ۔ یہ لوگ جو پہلے ایک دوسر ے کے دشمن تھے اب ایک ہوگئے ہیں۔ ان کو کسی اینٹی پاکستان فورس نے پیغام دیا ہے کہ یہ ایک ہوجائیں۔ انہوں نے کہا کہ آپ ہم کو ایک ہفتے کیلئے آنے دیں پھر دیکھیں گے کہ ان کے اندازے غلط ہوجائیں گے ۔

مزید : قومی