وفاقی کابینہ کی سیما کامل کو سٹیٹ بینک آف پاکستان کی ڈپٹی گورنر تقرری کی منظوری لیکن ان کی تنخواہ کتنی ہوگی؟ کسی کو بھی آنکھوں پر یقین نہ آئے

وفاقی کابینہ کی سیما کامل کو سٹیٹ بینک آف پاکستان کی ڈپٹی گورنر تقرری کی ...
وفاقی کابینہ کی سیما کامل کو سٹیٹ بینک آف پاکستان کی ڈپٹی گورنر تقرری کی منظوری لیکن ان کی تنخواہ کتنی ہوگی؟ کسی کو بھی آنکھوں پر یقین نہ آئے

  

اسلام آباد(ویب ڈیسک) نوتعینات ڈپٹی گورنر اسٹیٹ بینک آف پاکستان سیما کامل کی ماہانہ تنخواہ 18 لاکھ 60 ہزارروپے مقررکی ہے اور انہیں گھر کے کرائے کی مد میں ڈھائی لاکھ روپے ماہانہ دیے جائیں گے۔

ایکسپریس نیوز کے مطابق ڈپٹی گورنر سٹیٹ بینک کی کی تنخواہ میں ہر سال 10 فیصد اضافہ ہوگا۔ ڈپٹی گورنر سٹیٹ بینک 13 لاکھ روپے کی کلب ممبرشپ کے لیے بھی اہل ہوں گی۔ انکے اہلخانہ اور بچوں کو مفت میڈیکل کی سہولت بھی میسر ہوگی۔

ڈپٹی گورنر کو دی جانے والی مراعات میں 1800 سی سی گاڑی اور ماہانہ 600 لیٹر پیٹرول بھی ہیں۔ علاوہ ازیں ڈپٹی گورنر کے لیے ایک لاکھ 70 ہزار روپے کا موبائل فون خریدا جائے گا۔

ڈپٹی اسٹیٹ بینک کو بین الاقوامی سفر کے لیے بزنس کلاس کی سہولت میسر ہوگی جبکہ 36 ہزار روپے تنخواہ پر دو ملازمین بھی رکھنے کی اجازت ہوگی۔ان کی رہائش گاہ پر بینک کی طرف سے سیکیورٹی الارم سسٹم اور گارڈ کی بھی سہولت میسر ہوگی۔ وفاقی کابینہ کی جانب سے نئی ڈپٹی گورنر اسٹیٹ بینک کی تعیناتی کے بعد اسٹیٹ بینک میں ڈپٹی گورنرکی تعداد تین ہو گئی۔

واضح رہے کہ گزشتہ روز وفاقی کابینہ سے منظوری کے بعد سیما کامل کو اسٹیٹ بینک آف پاکستان کا ڈپٹی گورنر مقرر کیا گیا تھا۔

مزید :

علاقائی -اسلام آباد -