پاکستان کشمیریوں کی جدوجہد آزادی کی حمایت جاری رکھے گا: خواجہ آصف قمرزمان کائرہ 

  پاکستان کشمیریوں کی جدوجہد آزادی کی حمایت جاری رکھے گا: خواجہ آصف قمرزمان ...

  

ملتان(مانیٹرنگ ڈیسک)وزیر دفاع خواجہ آصف اور مشیر امور کشمیر وگلگت بلتستان قمرزمان کائرہ نے کہاہے کہ پاکستان کشمیریوں کی جدوجہد آزادی کی سیاسی، سفارتی  اور اخلاقی حمایت جاری رکھے گا یہ تکمیل پاکستان کی جنگ ہے،وہ بھارت کی جانب سے مقبوضہ کشمیر کی خصوصی حیثیت ختم کرنے کے اقدام کے تین سال مکمل ہونے پر  فارن آفس سے ڈی چوک تک  نکالی گئی ریلی  خطاب کررہے تھے وزیر دفاع  نے کہا کہ ہم نے اپنی نوجوان نسل کو کشمیر کے پاکستان سے رشتہ اور اس کی اہمیت سے آگاہ کرنا ہے۔ہمیں بطور قوم اس عزم کا اعادہ اور تجدید کرنی چاہیے کہ (بقیہ نمبر42صفحہ6پر)

کشمیر کے ساتھ ہمارا عزم لازوال ہے اس میں کبھی کمی نہیں ہوگی۔کشمیری کبھی اس میں کمی نہیں دیکھیں گے۔انہوں نے کہا کہ پاکستان کے طول وعرض میں آج مظاہرے ہورہے ہیں، لیکن  یہ کافی نہیں۔ کشمیر کا مسئلہ 75 سال سے ایک رستا زخم ہے اور اس زخم پر مرحم رکھنا پاکستانی عوام کاعزم ہے،صرف مخصوص دنوں میں احتجاج تک محدود نہیں رہنا،پاکستان کے عوام اس میں کردار کریں۔انہوں نے کہا کشمیر کاز کے لئے ہماری افواج نے جنگیں لڑی ہی،وہ ورکنگ باؤنڈری اور ایل اوسی پرپہرہ دے رہے ہیں۔ان کو خراج تحسین پیش کرتے ہیں۔ انہوں نے کہا کہ دنیا بھر میں پاکستانیوں کو کشمیریوں سے وابستگی کو مزید بہتر طریقے سے  اجاگر  کرنا ہوگا۔اس موقع  پر وزیر اعظم کے مشیر برائیامور کشمیر و گلگت بلتستان  قمر زمان کائرہ نے کہا کہ یہ ریلی ایسے گھناؤنے دن کو منانے کے لئے ہے جو 70 سالہ جبر واستبداد سے بھرپور ہے لیکن کشمیریوں کاجذبہ ہرہتھکنڈے کے باوجود ماند نہیں پڑا۔جو قومیں یہ جذبہ رکھتی ہیں ان کو دبایا نہیں جا سکتا اس وقت اس مقدمہ کو مزید بہتر انداز میں عالمی فورمزپر اٹھانے اور اپنی نوجوان نسل کو اس تنازعہ بارے آگاہی کی ضرورت ہے،ہمیں اقوام عالم کو مزید جھنجھوڑنا اور بار بار یہ مقدمہ پیش کرنا ہے۔حکومت،میڈیا،وزارت خارجہ کواس کیس کو جارحانہ انداز میں اٹھانا ہے۔ اس موقع پر حریت قیادت،سیکرٹری خارجہ سہیل محمود بھی موجود تھے۔

خواجہ آصف

مزید :

ملتان صفحہ آخر -