وزیراعلیٰ پنجاب نے وفاقی حکومت کو اوورسیز پاکستانیوں کے حقوق کی قاتل قرار دیدیا

وزیراعلیٰ پنجاب نے وفاقی حکومت کو اوورسیز پاکستانیوں کے حقوق کی قاتل قرار ...
وزیراعلیٰ پنجاب نے وفاقی حکومت کو اوورسیز پاکستانیوں کے حقوق کی قاتل قرار دیدیا

  

لاہور (ویب ڈیسک) وزیر اعلیٰ پنجاب چوہدری پرویز الہٰی کا کہنا ہے کہ موجودہ وفاقی حکومت اوورسیز پاکستانیوں کے حقوق کی قاتل ہے، ان کا یہ بھی کہنا ہے کہ اوورسیز پاکستانیوں کے مسائل کے حل کے لیے جامع پالیسی لارہے ہیں۔

روزنامہ جنگ کے مطابق پنجاب کے وزیر اعلیٰ پرویز الہٰی سے مسلم لیگ ق سکاٹ لینڈ کے صدر شبیر شاہ نے ملاقات کی۔اس موقع پر چوہدری پرویز الہٰی نے کہا کہ بیرون ملک بسنے والے پاکستانی ہمارا قیمتی اثاثہ ہیں، ملکی معیشت کی مضبوطی کے لیے اوورسیز پاکستانیوں کی خدمات فراموش نہیں کر سکتے۔

انہوں نے مزید کہا کہ افسوس موجودہ حکومت نے اوورسیز پاکستانیوں کو ووٹ کے حق سے محروم کیا۔چوہدری پرویز الہٰی نے کہا کہ بیرون ملک بسنے والے موجودہ وفاقی حکومت میں شامل کسی جماعت پر اعتبار نہیں کریں گے۔

مزید :

علاقائی -پنجاب -لاہور -