سوارا بھاسکر نے ایک ٹوئٹر صارف کو ٹرولنگ کرنے پر تمیز سکھا دی
ممبئی (ویب ڈیسک) بالی ووڈ کی پرکشش اداکارہ سوارا بھاسکر نے ایک ٹوئٹر صارف کو ٹرولنگ کرنے پر تمیز سکھا دی۔
سماجی رابطے کی ویب سائٹ پر سوارا نے ’جہاں چار یار‘ کے متعلق پوسٹ کی جس کے جواب میں ٹوئٹر صارف امیت کمار نے کہا کہ اس فلم کے سنیما گھر میں آنے کا شدت سے انتظار ہے۔
Waiting eagerly for the movie to hit the theatres ❤️
— Amit Kumar (@AMIT_GUJJU) August 4, 2022
سوارا بھاسکر نے امیت کا شکریہ ادا کیا جس کے بعد امیت کمار نے بدتمیزی شروع کی۔
کچھ دیر بعد اس نے رپلائی کیا کہ دراصل میرے اپارٹمنٹ کی عمارت میں تعمیراتی کام چل رہا ہے تو مجھے سونے کے لیے کوئی خاموشی والی جگہ نہیں ملتی لیکن آپ کی فلم کے دوران سنیما گھر سے زیادہ خاموش جگہ اور کون سی ہوگی؟
اداکارہ نے اپنا منصب ملحوظِ خاطر رکھتے ہوئے کہا کہ مجھے خوشی ہے میں نے آپ کو پہلے سے تیار کردہ یہ لطیفہ کہنے کا موقع دیا، چلیں اب آپ اپنے دوستوں کو دکھائیں کہ میں نے آپ کو جواب دیا۔ اس پر اس صارف کو ردعمل تو معلوم نہیں ہوسکا لیکن یقینا شرم سے پانی پانی ہوگیا ہوگا۔