ممنوعہ فنڈنگ کیس، ایف آئی اے نے اسد قیصر کو طلب کر لیا

ممنوعہ فنڈنگ کیس، ایف آئی اے نے اسد قیصر کو طلب کر لیا
ممنوعہ فنڈنگ کیس، ایف آئی اے نے اسد قیصر کو طلب کر لیا

  

اسلام آباد (ڈیلی پاکستان آن لائن ) ممنوعہ فنڈنگ کیس کی انکوائری کے سلسلے میں وفاقی تحقیقاتی ایجنسی (ایف آئی اے) نے پاکستان تحریک انصاف کے رہنما اور سابق سپیکر قومی اسمبلی اسد قیصر کو طلب کر لیا ہے۔

نجی ٹی وی "جیو  نیوز" کے مطابق ایف آئی اے پشاور کے انکوائری افسر کی جانب سے اسد قیصر کو 11 اگست کو ایف آئی اے خیبر پختوانخوا آفس میں پیش ہونے کا کہا گیا ہے۔اسد قیصر کو بھیجے گئے نوٹس میں کہا گیا ہے کہ اکبر ایس بابر کیس کے فیصلے کے مطابق آپ کے 2 بینک اکاؤنٹس ہیں، اسد قیصر 2 بینک اکاؤنٹس کھولنے اور انھیں چلانے سے منسلک ہیں لہٰذا اسد قیصر انکوائری ٹیم کے سامنے ذاتی حیثیت میں حاضر ہوں اور بینک اکاؤنٹس کے بارے میں سوالات کے جواب دیں۔

خیال رہے کہ الیکشن کمیشن کی جانب سے ممنوعہ فنڈنگ کیس کے فیصلے کے بعد ایف آئی اے نے بھی پاکستان تحریک انصاف کے رہنماؤں اور دفتری ملازمین سے تفتیش شروع کر دی ہے۔

مزید :

قومی -