عدالت میں جرح ہونے پر عمران خان کا جھوٹ پکڑا گیا: پرویز رشید

عدالت میں جرح ہونے پر عمران خان کا جھوٹ پکڑا گیا: پرویز رشید
عدالت میں جرح ہونے پر عمران خان کا جھوٹ پکڑا گیا: پرویز رشید

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

اسلام آباد (مانیٹرنگ ڈیسک) وفاقی وزیر اطلاعات ونشریات پرویز رشید نے کہا ہے کہ تحریک انصاف کے چیئرمین عمران خان سے عدالت میں جرح ہوئی تو ان کا جھوٹ پکڑا گیا ہے۔ تفصیلات کے مطابق پرویز رشید نے کہا کہ عمران خان آج پھر دھاندلی سے متعلق ثبوت پیش کرنے میں ناکام ہو گئے اور جب ثبوت پیش کرنے کے سوالوں کا سامنا کرنا پڑا تو وہ تیزی سے تشریف سے لے گئے۔ انہوں نے کہا کہ عمران خان سے آج جرح ہوئی تو ان کا جھوٹ پکڑا گیا، انہوں نے عدالت میں کہا سر میں چوٹ کے باعث انہیں کچھ یاد نہیں جبکہ قومی اسمبلی میں ان کی نمائندگی صرف 9فیصد ہے۔

پرویز رشید نے مزید کہا کہ اس ملک کا سب سے بڑا مسئلہ دھاندلی نہیں بلکہ دہشت گردی ہے اور ریاست نے ہر قسم کی دہشت گردی ختم کرنے کا عزم کر لیا ہے۔ انہوں نے کہا کہ پاکستان میں کسی کی زندگی کو تحفظ حاصل نہیں ہے جبکہ دہشت گردوں کا سب سے آسان ہدف صحافی ہوتے ہیں تاہم اتحاد اور یکجہتی سے دہشت گردی کے خلاف جنگ جلد جیتی جا سکتی ہے اور ریاست پرعزم ہے کہ دہشت گردی کو جڑ سے اکھاڑ پھینکیں گے۔ وزیر اطلاعات کا کہنا تھا کہ دہشت گردی کے باعث ملکی معیشت پر منفی اثرات پڑے اور اب معیشت کا پہیہ چلانے کیلئے بھی دہشت گردی کا خاتمہ ضروری ہے۔

مزید : قومی /اہم خبریں