مادھوری ڈکشٹ کو دھمکی آمیز میسج موصول ،ملزم گرفتار

مادھوری ڈکشٹ کو دھمکی آمیز میسج موصول ،ملزم گرفتار

ممبئی (ویب ڈیسک) بگ باس سے مشہور ہوئیں گوہر خان پر سب کے سامنے حملے کے بعد اب بالی وڈ اداکارہ مادھوری ڈکشٹ کو دھمکی کا معاملہ سامنے آیا ہے۔ تفصیلات کے مطابق مادھوری کو یہ دھمکی فون پر دی گئی ہے لیکن ممبئی پولیس نے ملزم کو گرفتار کر لیا ہے ،مادھوری ڈکشٹ کو فون پر کسی نے میسج کیا کہ وہ چھوٹا راجن کا آدمی ہے اور اگر مادھوری ڈکشٹ نے اسے پیسے نہیں دئیے تو وہ ان کے بچوں کو نقصان پہنچا سکتا ہے۔ مادھوری نے اس دھمکی کی معلومات ممبئی پولیس کو دی۔ ممبئی پولیس کی کرائم برانچ نے معاملے کی جانچ کی اور اس سلسلے میں پولیس نے 23سالہ ایک نوجوان کو گرفتار کر لیا ہے۔ ملزم نے دوران تفتیش پولیس کو بتایا کہ اس نے ایک میگزین سے مادھوری ڈکشٹ کا موبائل نمبر لیا تھا۔

مزید : تفریح

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...