کترینہ کیف ’’تماشا‘‘کی کامیاب جوڑی سے نالاں
ممبئی (نیوز ڈیسک)بالی ووڈ کی ”باربی ڈول“ کترینہ کیف کوحال ہی میں ریلیز ہونے والی بھارتی فلم’ ’ تماشا“ کی کامیاب جوڑی رنبیر کپور اور دپیکا پڈوکون کے چرچے اندر سے کاٹنے کو دوڑ رہے ہیں ، فلم’ ’ تماشا“ کے بعد ہر کوئی اس بہترین جوڑی کے گن گا رہا ہے مگر کترینہ کیف دونوں کے ایک ساتھ کام کرنے سے زیادہ خوش نظر نہیں آتیں۔میڈیا رپورٹس کے مطابق ایک انٹرویو کے دوران رنبیر کپور کی فلم ’تماشا‘ کے حوالے سے سوال کیا گیا جس پر کترینہ کا کہنا تھا کہ تماشا ایک بہترین فلم ہے اور رنبیر کپور نے اس میں بے مثال اداکاری کی۔جب رنبیر کپور اور ان کی سابق گرل فرینڈ دپیکا کی جوڑی کے حوالے سے سوال کیا گیا تو کترینہ زیادہ خوش نظر نہیں آئیں۔باربی ڈول کا کہنا تھا کہ میں کسی کی زندگی پر اپنی مرضی تھوپ نہیں سکتی،ہر کسی کو انتخاب کا حق ہے،کترینہ کیف کا کہنا تھا کہ میں شاید اس بات سے خوش نہ ہوں لیکن مجھے امید ہے کہ آگے بڑھنے کے ساتھ ان کے انتخاب تبدیل ہوجائیں گے۔
