احتساب کا نشانہ صرف اپوزیشن ، وزراءکیخلاف صرف انکوائریاں چل رہی ہیں :مصطفی نواز کھوکھر
اسلام آباد (ڈیلی پاکستان آن لائن) پیپلز پارٹی کے سینیٹر مصطفی نواز کھوکھر نے کہاہے کہ احتساب کا نشانہ صرف اپوزیشن کوبنایا جاہاہے ، حکومتی وزراءکے خلاف انکوائریاں چل رہی ہیں لیکن کچھ نظر نہیں آرہا ۔
اے آر وائی نیوز کے پروگرام ”الیونتھ آور “ میں گفتگو کرتے ہوئے مصطفی نوازکھوکھر نے کہا کہ احتساب کا عمل سب کے لئے برابر ہوتا تو کسی کواعتراض نہ ہوتا ، وزراءکے خلاف انکوائریاں چل رہی ہیں لیکن کچھ نظر نہیں آرہا ۔
انہوں نے کہا کہ پیپلز پارٹی کے دور میں کوئی سیاسی قیدی نہیں تھا ، پیپلزپارٹی کی قیادت کے خلاف تمام کیسز سیاسی بنیادوں پر بنائے گئے ،احتساب کانشانہ صرف اپوزیشن کو بنایا جارہاہے ، مسائل سے توجہ ہٹانے کیلئے این آر او کی باتیں کی جارہی ہیں۔