شہباز شریف کی پیشی، لیگی کارکنوں کی احتساب عدالت جانے کی کوشش، پولیس کا لاٹھی چارج، میدان جنگ کا سماں

شہباز شریف کی پیشی، لیگی کارکنوں کی احتساب عدالت جانے کی کوشش، پولیس کا ...
شہباز شریف کی پیشی، لیگی کارکنوں کی احتساب عدالت جانے کی کوشش، پولیس کا لاٹھی چارج، میدان جنگ کا سماں

  

لاہور (ڈیلی پاکستان آن لائن) اپوزیشن لیڈر شہباز شریف کی پیشی کے موقع پر ن لیگی کارکنوں اور پولیس کے درمیان ہاتھا پائی ہوئی ہے۔ پولیس کی جانب سے متعدد لیگی کارکنوں کو حراست میں لے لیا۔

آشیانہ ہاﺅسنگ سکینڈل میں شہباز شریف کی پیشی کے موقع پر ن لیگ کے کارکنوں کی بڑی تعداد احتساب عدالت پہنچ گئی۔ پولیس کی جانب سے عدالت کا راستہ خاردار تاریں لگا کر بند کیا گیا تھا تاہم لیگی کارکنوں نے تمام رکاوٹیں ہٹادیں اور عدالت میں داخل ہونے کی کوشش کی۔ ن لیگ کی خواتین کارکنوں نے پولیس اہلکاروں کو دھکے بھی مارے جس کے بعد پولیس نے ایکشن لیا اور کارکنوں کو عدالت کے دروازے سے پیچھے ہٹادیا۔ پولیس کی جانب سے لاٹھی چارج بھی کیا گیا اور احتساب عدالت کے اندر جانے کی کوشش کرنے والے متعدد لیگی کارکنوں کو حراست میں لے لیا گیا۔ پولیس کے لاٹھی چارج کے بعد لیگی کارکن وقتی طور پر پیچھے ہٹ گئے لیکن پھر دوبارہ کارکن آگے آگئے اور شدید نعرے بازی شروع کردی۔

دوسری جانب مسلم لیگ ن کی ترجمان مریم اورنگزیب اور شائستہ پرویز ملک سمیت ن لیگ کے ارکان اسمبلی بھی احتساب عدالت کے باہر موجود ہیں اور اپنی اپنی گاڑیوں میں بیٹھے ہوئے ہیں۔

نجی ٹی وی کا کہنا ہے کہ ایم پی اے شوکت سہیل بٹ اور شائستہ پرویز ملک سمیت دیگر لیگی ارکان اسمبلی اپنے ہمراہ کارکنوں کو لے کر آئے تھے ۔ لیگی قیادت کی جانب سے کارکنوں کو جوش دلایا جاتا رہا اور آگے بڑھنے کیلئے اکسایا جاتا رہا ہے۔

مزید : Breaking News /اہم خبریں /قومی /سیاست /علاقائی /پنجاب /لاہور