مسلم لیگ ن نے8دسمبر کو مہنگائی کیخلاف ملک گیراحتجاج کااعلان کردیا

مسلم لیگ ن نے8دسمبر کو مہنگائی کیخلاف ملک گیراحتجاج کااعلان کردیا
مسلم لیگ ن نے8دسمبر کو مہنگائی کیخلاف ملک گیراحتجاج کااعلان کردیا

  



اسلام آباد(ڈیلی پاکستان آن لائن)پاکستان مسلم لیگ ن نے8دسمبر کو مہنگائی کیخلاف ملک گیراحتجاج کااعلان کردیا۔سماجی رابطے کی ویب سائٹ پر ٹویٹ کرتے ہوئے مسلم لیگ ن کے جنرل سیکرٹری احسن اقبال نے کہا ہے کہ’ 8دسمبر بروز اتوار کو ملک بھرمیں احتجاج کیاجائےگا۔احسن اقبال نے کہا ہے کہ حکومتی پالیسیوں نے غریب کی زندگی اجیرن کردی ہے۔انہوں نے سوال اٹھایا کہ بجلی اورگیس سستی کرنےکاوعدہ کہاں گیا؟۔‘

احسن اقبال کے ٹویٹ پر تبصرہ کرتے ہوئے عائشہ شعیب نے لکھا ’مہنگے بجلی کے منصوبے گیس اور بجلی میں ریکارڈ خسارہ۔ ریکارڈ قرضے اور گروی رکھا ہوا ملک۔ خزانہ خالی۔ اور کیا کرتی حکومت جب نااہل بد دیانت چور ڈاکو ملک لوٹ کر اور برباد کرکے چلے گئے۔ملک بچانے کے لیے عوام نے حکومت کا ساتھ۔ دیا ہے یہ ملک ہے تو ہم ہیں لیکن غدار نہیں سمجھ سکتے اس جذبے کو۔‘

شاہد نے لکھا ”جو لوگ نواز شریف اور مریم کے جیل جانے کے وقت ٹینکوں کے نیچے نہیں لیٹے اور باہر روڈوں پر نہ نکلے وہ تمہارے کال پہ خاک نکلیں گے ،پٹواری اگر نکلتے ہیں تو وہ صرف بریانی کیلئے نکلتے ہیں ،نہ شہباز شریف نواز شریف کیلئے ائیرپورٹ پہنچا اور نہ فضل الرحمن کیلئے لاہور لانگ مارچ میں۔۔۔“

یہ اعلان ایسے وقت میں کیاگیا ہے جب لیگی رہنماوں کی بڑی تعداد لندن میں جمع ہے ،جہاں ایک اہم اجلاس میں آئندہ لائحہ عمل کے حوالے سے اہم فیصلوں کا امکان ہے۔

مزید : اہم خبریں /قومی