لاہور ہائیکورٹ،کورونا سے بچاؤ حفاظتی اقدامات کیلئے درخواست دائر 

لاہور(نامہ نگارخصوصی)کورونا سے بچاؤ،سیاسی جلسوں پر پابندی اور دیگر حفاظتی اقدامات کے لئے لاہور ہائی کورٹ میں درخواست دائر کردی گئی ہے،درخواست گزار جوڈیشل ایکٹو ازم پینل کے سربراہ اظہر صدیق ایڈووکیٹ نے موقف اختیار کیا ہے کہ کورونا کے شدید پھیلاؤ کی وجہ سے ہسپتالوں میں بسترز کم پڑنے لگے ہیں،عالمی وائرس سے بچاو کیلئے جلسے جلوسوں اور دیگر اجتماعات پر پابندی لگانا وقت کی ضرورت ہے، درخواست میں استدعا کی گئی ہے کہ سینئر پروفیسر کی رات کے اوقات میں کورونا وارڈ میں موجودگی یقینی بنائی جائے اور لواحقین کو مریض کی حالت کے بارے میں آگاہ کرنے کے لئے ویڈیو کالز کی سہولت بھی یقینی بنایا جائے، درخواست میں یہ استدعا بھی کی گئی کہ جلسے جلوسوں اور دیگر اجتماعات پر پابندی لگانے کا حکم دیا جائے۔
کورونا اقدامات