عقل سے عاری اپوزیشن کو اپنے کیسز کے علاوہ کچھ دکھائی نہیں دیتا:فواد چودھری

 اسلام آباد(این این آئی) وفاقی وزیر سائنس اینڈ ٹیکنالوجی فواد چوہدری نے کہاہے کہ عقل سے عاری اپوزیشن کو اپنے کیسز کے علاوہ کچھ دکھائی نہیں دیتا مریم نواز اور فضل الرحمن سسٹم سے باہر ہونے پر تصادم چاہتے ہیں  یہ لوگ دو کلو گوشت کیلئے پوری گائے ذبح کر نا چاہتے ہیں  میڈیا سے گفتگو کرتے ہوئے وفاقی وزیر نے کہاکہ ایک طرف اپوزیشن کا احتجاج اور دوسری طرف کورونا کی لہر میں اضافہ ہے انہوں نے کہاکہ عوام کی زندگیوں کے تحفظ کیلئے سیاسی قیادت کو ذمہ داری کا مظاہرہ کرنا ہوتا ہے وفاقی وزیر نے کہاکہ اپوزیشن کوعوام کی زندگیوں کے تحفظ سے کوئی سروکار نہیں یہ اپنے کیسز بند کرانا چاہتے ہیں۔ انہوں نے کہاکہ اپوزیشن انتہائی غیر ذمہ داری کا مظاہرہ کر رہی ہے وفاقی وزیر چوہدری فواد حسین نے کہاکہ یہ لوگ نیب قوانین میں ترمیم چاہتے ہیں تاکہ ان کے کیس ختم ہو جائیں۔
فواد چودھری