حکومت پاکستان نے کووڈ سے متعلق تمام سفری پابندیاں ہٹا لیں 

اسلام آباد(ڈیلی پاکستان آن لائن)حکومت پاکستان نے کووڈ سے متعلق تمام سفری پابندیاں ہٹا لیں ۔

نجی ٹی وی چینل جیو نیوز کے مطابق وفاقی وزارت صحت حکام کاکہنا ہے کہ حج درخواستوں کیلئے کورونا ویکسی نیشن سرٹیفکیٹ جمع کرانے کی ضرورت نہیں،مختلف بینک حج درخواستوں کیساتھ کورونا ویکسی نیشن سرٹیفکیٹ بھی مانگ رہے ہیں جو ضروری نہیں،حکام کاکہنا ہے کہ حج پر روانگی سے پہلے سعودی حکومت کی ہدایات کی روشنی میں نئی ایڈوائزری جاری کریں گے۔

این سی او سی  نے کہا ہے کہ پاکستان میں داخلے کیلئے کووڈ ویکسی نیشن سرٹیفکیٹ کی ضرورت نہیں ہو گی، پاکستان آنے والوں کو بھی کورونا نیگٹیوٹیسٹ رپورٹ پیش کرنے کی ضرورت نہیں،این سی او سی کا مزید کہنا ہے کہ سفری پابندیاں ہٹانے کا فیصلہ عالمی ادارہ صحت کی گائیڈ لائنز کی روشنی میں کیا گیا،پاکستانی ایئرپورٹس، پوائنٹس آف اینٹری پر دو فیصد کورونا ٹیسٹنگ بھی ختم کردی گئی،ایئرپورٹس پر وبائی امراض سے متعلق نگرانی جاری رہے گی۔