8 دسمبر تک  دینی مدارس کا بل منظور نہ ہوا  تو  اسلام آباد کا رخ کریں گے، مولانا عبد الغفور حیدری

لاہور(ڈیلی پاکستان آن لائن) جمعیت علماء اسلام (جے یو آئی) نے حکومت کو الٹی میٹم دیا ہےکہ 8 دسمبر تک  دینی مدارس کا بل منظور نہ ہوا  تو  اسلام آباد کا رخ کریں گے۔ایک بیان میں سیکرٹری جنرل جے یو آئی مولانا عبدالغفور حیدری کا کہنا تھا کہ حکومت کو دینی مدارس کا بل ہر صورت میں منظورکرنا ہوگا۔ 8 دسمبر تک بل منظور نہ کیا گیا تو اسلام آباد کا رخ کریں گے۔مولانا عبدالغفور حیدری کا کہنا تھا کہ  ہم مذہبی لوگ ہیں، نہیں چاہتے اسلام آباد کی طرف مارچ کیا جائے، ملک بھی اس چیز کا متحمل نہیں ہوسکتا۔مولانا عبدالغفور حیدری کا کہنا تھا کہ  قومی اسمبلی اور سینیٹ سے بل منظور کرکے روکنا بدنیتی ہے،  یہ جے یو آئی اور وفاق المدارس کابل نہیں، تمام تنظیمات مدارس کا بل ہے۔