”آپ مجھ سے شادی کر لو“ پاکستانی نوجوان کی اس خاتون پائلٹ کو پیشکش، آگے سے جواب کیا ملا؟ جان کر آپ ہنس ہنس کر لوٹ پوٹ ہو جائیں گے
لاہور (ڈیلی پاکستان آن لائن) کسی لڑکی پر دل ہار جانا اور پھر اسے شادی کی پیشکش کر دینا کوئی غیر معمولی بات نہیں ہے لیکن بعض اوقات انسان کیساتھ کچھ ایسے ناقابل فراموش واقعات پیش آ جاتے ہیں کہ زندگی بھر نہیں بھولے جا سکتے۔
ایسا ہی کچھ پاکستانی لڑکے کیساتھ بھی ہوا جو ایک خاتون پائلٹ پر دل ہار بیٹھا اور پھر شادی کی پیشکش بھی کر ڈالی لیکن پھر اس کیساتھ کچھ ایسا ہو گیا جو وہ ساری زندگی نہیں بھول پائے گا اور تفصیلات جان کر یقینا آپ بھی ہنسی سے لوٹ پوٹ ہو جائیں گے۔
یہ بھی پڑھیں۔۔۔ملائکہ اروڑا کی بہن امریتا اروڑا نے اپنی 40 ویں سالگرہ کے موقع پر دنیا کا فحش ترین کیک انتہائی شرمناک طریقے سے کاٹ لیا، سوشل میڈیا پر ہنگامہ برپا ہو گیا
مذکورہ ؒخاتون پائلٹ نے انسٹاگرام پر اپنی ایک تصویر شیئر کرتے ہوئے لکھا ”جہاز پر خوش آمدید۔۔۔ بعض اوقات لوگ شکایت کرتے ہیں کہ ہم وعدے کے مطابق منزل پر نہیں پہنچ سکے۔۔۔ پہلی بات تو یہ کہ ہم پہنچنے کے ممکنہ وقت کے بارے میں اعلان کرتے ہیں، جو ہم اپنے فلائٹ کمپیوٹر پر پڑھتے ہیں اور جو ہمارے لئے مختص کئے گئے رن وے کے حساب سے ہوتا ہے۔
آمد بھی بدل جاتی ہے، رن وے بھی تبدیل ہو جاتا ہے، اے ٹی سی شارٹ کٹس بھی دے سکتی ہے یا پھر دور سے گھوم کر آنے کا بھی کہا جا سکتا ہے اور موسم بھی اپنا کردار ادا کر رہا ہوتا ہے۔ صرف ایک چیز ایسی ہے جس بارے میں آپ یقین کر سکتے ہیں کہ ہم بھی جلدی زمین پر اترنا پسند کرتے ہیں، جلد لینڈ ہونے کا مطلب ہے کہ جلد گھر جانا یا پھر کھانے کیلئے زیادہ وقت مل جانا۔۔۔“
ہمارے ہاں یہ سوچنا کہ جس لڑکی کو وہ چاہتے ہیں وہ بھی ان کے انتظار میں پاگل ہو رہی ہو گی ”ٹھرک“ کہلاتا ہے جس کے باعث بہت سے پریشانیاں پیدا ہوتی ہیں۔ اب ”ٹھرک“ سے بھی آگے کا ’لیول‘ اس وقت نظر آیا جب ایک پاکستانی شخص نے دل کے ہاتھوں مجبور ہو کر سیدھا شادی کی پیشکش کر ڈالی جو بالکل بھی کام نہ آئی بلکہ یہ انکشاف ہوا کہ وہ پیاری سی پائلٹ پہلے سے ہی شادی شدہ ہے جس کا شوہر اپنی اہلیہ کو شادی کی پیشکش کرنے والے پاکستانی کو جواب دینے بھی پہنچ گیا۔
ساحر خان نامی صارف نے پیار میں ڈوبے دل کیساتھ لکھا ”کیا تم مجھ سے شادی کرو گی؟ میں وعدہ کرتا ہوں کہ مرتے دم تک تمہیں اکیلا نہیں چھوڑوں گا اور یہ وعدہ بھی کرتا ہوں کہ مرتے دم تک تمہیں خوش رکھوں گا۔۔۔ میں تمہیں خوش رکھنے کیلئے سخت محنت کروں گا اور پیسے کماﺅں گا، بس مجھ سے شادی کر لو، مجھ سے شادی کر لو۔۔۔ اس دنیا میں میرے لئے صرف تم ہو اس لئے مجھ سے شادی کر لو۔“
اس کمنٹ پر پائلٹ لڑکی نے تو جواب نہ دیا البتہ ”ائیر 907نامی“ صارف نے مذکورہ لڑکے کو مخاطب کرتے ہوئے لکھا ”تمہارا پیغام بہت متاثر کن ہے“
ساحر خان بھی خوش ہو گیا کہ چلو کسی نے تو اس کے جذبات کی قدر کی ہے اور اس کیساتھ ہی مذکورہ لڑکے سے مدد کرنے کا بھی کہہ دیا اور لکھا ”شکریہ اور ہاں میں واقعی اس سے شادی کرنا چاہتا ہوں، کیا تم میری مدد کر سکتے ہو؟“
یہ وہ لمحہ تھا جب وہ پائلٹ لڑکی میدان میں آئی اور ایسا دھماکے دار انکشاف کیا کہ پاکستانی کے تمام ارمان ایک ہی جھٹکے میں کرچی کرچی ہو گئے۔ پائلٹ لڑکی نے لکھا ”ساحر خان۔۔۔ ٹھیک ہے ، وہ تمہاری مدد کرے گا۔ ائیر 1907 میرا شوہر ہے اور یہ بہت مزاحیہ بات ہے“
اپنی بات کو سچ ثابت کرنے کیلئے پائلٹ لڑکی نے اپنے شوہر کو ٹیگ بھی کیا تاکہ وہ اس کے بارے میں تصدیق کر لے لیکن آخر وہ بھی پاکستانی ہے اور اگر آپ سمجھتے ہیں کہ کہانی یہاں ہی ختم ہو گئی ہے تو آپ غلط ہیں کیونکہ ہمت ہارنا پاکستانیوں نے سیکھا ہی نہیں ہے۔ پہلے تو اس نے بڑے ادب و احترام کیساتھ معافی طلب کی لیکن اپنے جذبات پر قابو نہ رکھ سکا اور کچھ دیر بعد اس سے پوچھ ہی لیا کہ ”کیا تمہاری کوئی بہن ہے؟“
ساحر خان نے پائلٹ لڑکی کے شوہر کو مخاطب کرتے ہوئے لکھا ”اوہ میرے خدا۔۔۔ مجھے معاف کر دیں اور میں بس اتنا ہی کہوں گا کہ آپ بہت زیادہ خوش قسمت ہو“
کچھ دیر بعد اس کا دوسرا پیغام سامنے آیا جس میں وہ پائلٹ لڑکی سے پوچھ رہا تھا کہ ” آپ کی کوئی بہن ہے؟؟؟؟“
یہ معاملہ دیگر پاکستانی صارفین کی نظر میں آیا تو قہقہوں کا طوفان آ گیا اور پھر وہی کچھ ہوا جو سوشل میڈیا پر ہوتا ہے جبکہ ساحر خان نے فوراً اپنا یوزر نیم بدلنے میں غنیمت جانی۔
ایک صارف نے لکھا ”ساحر خان نے اپنا یوزر نیم تبدیل کر لیا ہے اور نیا یوزر نیم ہے 'Busy'۔“
مریم نور نے لکھا ”میں تو یہاں لیجنڈ ساحر خان کیلئے آئی ہوں، بھائی تم کدھر ہو؟“
جوواﺅ نامی صارف نے ساحر سے ہی پوچھ لیا کہ ”کیا تم مجھ سے شادی کرو گی؟“
سید بلال احمد نے لکھا ”ساحر شادی کر لو، اب تو یہ لوگوں کا مطالبہ بن گیا ہے“
جے پی نامی صارف نے لکھا ”آگے بڑھو ساحر خان! ہمیں تم پر یقین ہے“
88_guyنامی صارف نے لکھا ”میں یہ مزاحیہ کمنٹس کہاں ڈھونڈ سکتا ہوں؟“
ڈینیل نامی صارف نے لکھا ”یہ ساحر نامی لڑکا کہاں ہے میں نے جس کے بارے میں سنا ہے؟“
زینوبیا نامی صارف نے لکھا ”میرے ہم وطن لڑکے ساحر خان کیلئے دلہن ڈھونڈنے کیلئے پٹیشن“