میرے خیال میں باہر جانے کی ضرورت نہیں،اگر انکے ذاتی معالج کہتے ہیں تو کوئی حرج بھی نہیں

میرے خیال میں باہر جانے کی ضرورت نہیں،اگر انکے ذاتی معالج کہتے ہیں تو کوئی ...

  



ایم کیو ایم پاکستان کے رہنما فیصل سبز واری نے کہا ہے کہ ہم کسی کی صحت کو لیکر سیاست نہیں کرنا چاہتے لیکن جہاں تک ہمارے علم میں ہے تو انہیں صحت کی سہولیات حکومت وقت مہیا کررہی ہے اور ان کے میڈیکل بورڈ نے بھی حکومتی علاج معالجے کو تسلی بخش قرار دیا ہے اس لئے میرا نہیں خیال کہ انہیں باہر لیجا نے کی ضرورت ہے لیکن اگر ان کے ذاتی معالج جو کہ لندن میں ہیں اگر وہ کہیں توانہیں باہر بھجوانے میں کوئی حرج نہیں ہے لیکن حکومت آئین و قانون کے دائرے میں رہ کر ہی ان کے ساتھ کوئی بھی فیصلہ کر سکتی ہے ۔ایشو آف دی ڈے میں گفتگو کرتے ہوئے ان کا کہنا تھا کہ حکومت میاں نواز شریف کی صحت کے ایشوز کو بغور دیکھ رہی ہے میڈیکل بورڈ ان کے زاتی معالج کے ساتھ بھی رابطے میں ہے اور میڈیا رپورٹس کے مطابق ان کی صحت تسلی بخش بتائی جاتی ہے اور ہماری دعا ہے کہ اللہ انہیں صحت یاب کرے۔

مزید : صفحہ آخر


loading...