سعودیہ، مردانہ سیلون میں خواتین کے بال کاٹنے والے متعدد حجام گرفتار

سعودیہ، مردانہ سیلون میں خواتین کے بال کاٹنے والے متعدد حجام گرفتار

  

ریاض (مانیٹرنگ ڈیسک)سعودی دارالحکومت ریاض میں مردانہ سیلون میں خواتین کے بال کاٹنے والے مرد حجاموں کو گرفتار کرلیاگیاہے۔ مصری میڈیا نے سعودی اخبار عکاظ کے حوالے سے بتایا ہے کہ گزشتہ دنوں سوشل میڈیا پر ایک ویڈیو سامنے آئی تھی جس میں مردانہ سیلون میں خواتین مرد حجاموں سے بال کٹوا رہی تھیں۔مقامی پولیس نے ویڈیو کے ذریعے نشاندہی ہونے کے بعد دکان پر کام کرنے والے تمام حجاموں کو گرفتار کرلیا۔گرفتار ہونے والے حجاموں کی کل تعداد کے بارے میں معلوم نہیں ہوسکا ہے۔مذکورہ ویڈیو سامنے آنے کے بعد سوشل میڈیا پر یہ افواہیں بھی سرگرم تھیں کہ سعودی عرب میں خواتین کو مرادنہ سیلون میں بال کٹوانے کی اجازت بھی مل گئی ہے تاہم اس حوالے سے بلدیہ کی جانب سے تردید کی گئی تھی۔خیال رہے کہ گزشتہ چند سالوں کے دوران سعودی عرب میں سماجی اصلاحات کے تحت خواتین کو بہت سے شعبوں میں با اختیار بنانے کے اقدامات کیے گئے ہیں۔ان اصلاحات میں خواتین کے ڈرائیونگ کرنے پر عائد پابندی کے خاتمے سمیت سعودی خواتین کو مرد سرپرست کے بغیر بیرون ملک سفر کی اجازت دینا شامل ہے۔اس کے علاوہ سعودی عرب کی تاریخ میں پہلی بار کسی خاتون کو سفیر بھی تعینات کیا گیا ہے جبکہ خواتین سیاحوں کے لیے عبایا لینے کی لازمی شرط بھی ختم کردی گئی ہے جس کے بعد گزشتہ سال سعودی عرب میں ہونے والی فارمولا کار ریس میں پہلی بار خاتون ڈرائیور نے شرکت کرکے تاریخ رقم کی تھی۔

مرد حجام گرفتار

مزید :

علاقائی -