ہرنائی، دہشتگردکی مسجد میں تبلیغی جماعت پر فائرنگ، پولیس اہلکار شہید، ایک زخمی
ہرنائی(آئی این پی)بلوچستان کے شہر ہرنائی کی جامع مسجد کے اندر فائرنگ سے پولیس اہلکار شہید اور ایک شخص زخمی ہوگیا۔لیویز کے مطابق جاں بحق پولیس اہلکار تبلیغی جماعت کے افراد کو جامع مسجد چھوڑنے آیا تھا تو مسجد میں پہلے سے موجود شخص نے فائرنگ کردی۔ زخمی شخص کا تعلق تبلیغی جماعت سے ہے۔ مسلح شخص فائرنگ کرکے فرار ہونے میں کامیاب ہوگیا۔ڈی سی ہرنائی کے مطابق واقعے کے بعد مسجد کی تلاشی لی گئی تو وہاں سے ایک مشکوک بیگ ملا جسے چیک کرنے کے لیے بم ڈسپوزل اسکواڈ کو طلب کیا گیا۔بیگ کا معائنہ کرنے پر اس میں سے چار کلو بارودی مواد برآمد ہوا۔ڈپٹی کمشنر کے مطابق عظیم دمڑ کے مطابق بم ڈسپوزل اسکواڈ کی ٹیم نے بیگ میں موجود بم کو ناکارہ بنادیا اور یہ بارودی مواد کشمیر یکجہتی ریلی میں تخریب کاری کے لیے لایا گیا تھا۔
دہشتگرد فائرنگ
