ریاست سیاسی نااہلی، تباہ حال معیشت ، دہشتگردی اور سیلاب جیسے مسائل میں گھری ہے ، فنانشل ٹائمز کی پاکستان سے متعلق رپورٹ
اسلام آباد(ڈیلی پاکستان آن لائن)فنانشل ٹائمز کی پاکستان سے متعلق رپورٹ جاری کردی۔
فنانشل ٹائمز نے اپنی رپورٹ میں کہاہے کہ پاکستان اپنی تاریخ کے مشکل ترین دور سے گزر رہا ہے ، ریاست سیاسی نااہلی، تباہ حال معیشت ، دہشتگردی اور سیلاب جیسے مسائل میں گھری ہے ، ناقص طرز حکمرانی اور بدعنوانی کاسلسلہ دہائیوں سے جاری ہے ، سیاسی جماعتیں متوقع انتخابات کو ملکی بہتری کے بجائے تنازع کی شکل دے سکتی ہیں۔
رپورٹ میں مزید کہاگیا ہے کہ پاکستان میں سری لنکاجیسی صورتحال پیدا ہونے کا خدشہ ہے ، پاکستان کے سیاستدانوں کو عوام کو ترجیح دینی چاہئے ، عالمی مالیاتی اداروں کو پاکستان کو ڈیفالٹ سے بچانے کی ضرورت ہے ،چین کو بھی پاکستان سے قرض واپسی میں لچک کا مظاہرہ کرنا چاہئے ۔
