کینبرا(ڈیلی پاکستان آن لائن)چیمپئنز ٹرافی کے سکواڈ میں شامل آسٹریلوی کرکٹر مارکوس اسٹوئنس نے ون ڈے کرکٹ سے فوری ریٹائرمنٹ کا اعلان کر دیا۔
مارکوس اسٹوئنس نے 74 ون ڈے انٹرنیشنلز میں آسٹریلیا کی نمائندگی کی ، کرکٹ آسٹریلیا کے مطابق مارکوس اسٹوئنس ٹی ٹونٹی کی سلیکشن کے لیے دستیاب رہیں گے۔
مارکوس اسٹوئنس ٹی ٹونٹی کرکٹ پر فوکس کیلئے ون ڈے کرکٹ سے ریٹائر ہوئے، اسٹوئنس چیمپئنز ٹرافی کیلئے آسٹریلوی اسکواڈ کا حصہ تھے تاہم اب ان کی جگہ متبادل کھلاڑی کو شامل کیا جائے گا۔
کرکٹ آسٹریلیا کا کہنا ہے کہ نیشنل سلیکشن پینل سری لنکا کے خلاف ٹیسٹ سیریز کے اختتام پر چیمپئنز ٹرافی کے سکواڈ کو حتمی شکل دے گا۔
ایک روزہ کرکٹ سے ریٹائرمنٹ کا اعلان کرتے ہوئے مارکس اسٹوئنس کا کہنا تھا کہ میرے لیے ریٹائرمنٹ کا فیصلہ کرنا آسان نہیں تھا تاہم یہی صحیح وقت ہے کہ ون ڈے فارمیٹ کو خیرباد کہہ دوں۔